ژەنا کانتۆنو عەفرینی و شەهبای سزاو جە قەنارەدای سەرو چالاکا پەخشان عەزیزیۍ و شەریفە محەممەدی-ێشا شەرمەزار کەرد و ئەرەیاۋناشا کە ئی قەرارە نایاساییا پەی دلېنەبەردەی ئیرادەو ژەنان.
دادگاو شۆرشو ئێرانی، قەرارو جە قەنارەدایش سەرو شەریفە محەممەدیۍ و پەخشان عەزیزیۍ چالاکا بوارەکا ژەنارە سەپنا و پا بۆنۆ جە گرڎ شۊنۍ کورڎەسانی و جبەرۆ شەپۆلێوە ناڕەزاییش چنەکۊتۆ. چا چوارچێوەنە ژەنی جە سەرنیشتوو ۋەرکۊتوو سوریاینە قسێشا پەی ئاژانسوو هەواڵوو فورارتی کەردۍ و کاروەدایشا نیشانەدا.
ڕهاب جبۆ ئەندامەو کۆمیتەو ژەنا کانتۆنو عەفرینی و شەهبای چا بارۆ ئەرەیاۋناش: "سزاو جە قەنارەدای کە سەرو دووۍ چالاکا مافەکا ژەنارە دریا، ۋەرووچەما گرڎوو ڕێکوزیاکا مافوو مرۆڤیوە کە بانگەشەو یەکسانی جێندەری مکەرا دریا. داخەم نمەشۆ هیچ کاروەدایێشا نەبۍ."
حەرپاسە شیراز زەینەدینە، ڕاوەبەرەو ڕێکوستەی سارای پەی ڕووبەڕوو بیەیۆ تنوتیژی دژ به ژەنا جە عەفرین و کانتۆنو شەهباینە، پاشێلکارییەکێ ۋەرا ۋەر بە ژەنا زیڼانیش جە ئێرانەنە شەرمەزار کەردۍ و داواو پارېزنای مافو گرڎوو چالاکا ژەنێش جە زیڼانەکا ئێرانینە کەرد."
