ئاماڎەکارییەکۍ بەردەوامێنۍ پەی ١١ەمین فیستیڤاڵوو ژەنا ساکینە جانسزۍ کە ڕۊو یەکشەممەی جە شارو زیورخی جە سویسرانە ئەنجام مڎریۆ. نزیکەو ٣٠ ڕێکوزیایا و بە دەسوەڵێوستەی ژەنا کاروبارەکاو فیستیڤاڵەکەی ڕاوەبەرمکەرا. حەرپاسە گلېرگەو دیموکراتیکی کوردی جە سویسرا (جەدەکە-سویسرا) و یۆبیەی ژەناو کوردی جە سویسرا (یەژەکە-سویسرا) پەی فیستیڤاڵەکەی سەفەربەرۍ بیێنۍ. گرڎوو ئاماڎەکارییە تەکنیکیەکۍ پەی فیستیڤاڵەکەی کریێنۍ. جە گرڎوو شارەکا سویسراینە کاروبارەکۍ پەی ئەنجامدای فیستیڤاڵەکەی بەردەوامێنۍ.

هامسەرۆکەو جەدەکە-سویسرای، دیلان چەتینکایە سەروو ئی مژاریە پەی ئاژانسیما قسێس کەردۍ و ئاماژەش پانەی کەرد کە گرڎوو ئاماڎەکارییەکا پەی فیستیڤاڵەکەی کریێنۍ و واتش: "پېسە ژەناو کوردی جە سویسرانە یانە بە یانە جە بەرەو یانەو ژەنا کورڎەسانی و دۆسەکاشا مڎەیمۍ و باسوو فیستیڤاڵەکەیشا پەی مکەرمۍ، حەرپاسە بە نیایرەو مێزۍ و وەڵاکریاوەی دەربارەو فیستیڤاڵەکەی هەوڵوو ئشناسای فیستیڤاڵەکەی مڎەیمۍ، پەی ئانەی بەشداریێوە فرە بەقوەتش چنە بکریۆ."

حەرپاسە دیلانە ئاماژەش پانەیە کەرد کە ژەنا سەرمەشقایەتی فیستڤاڵەکەی مکەرا و جە ٣٠ی حوزێرانیچەنە چەماڕاو گەلەکەیما بیمۍ پەی ئامای فیستیڤاڵەکەی، بە وارڎە و جلوبەرگی کوردی ۋێماوە جە فیستیڤاڵەکەنە ئاماڎۍ بیمۍ.

ئاماڎەکارییەکۍ پەی فیستیڤاڵەکەی جە گرڎ شۊنێوە سویسراینە بەردەوامێنۍ

چالاکەو یەژەکە-سویسرای، خەدیجە کاندالە سەرەنجش وست سەرو ئاماڎەکارییەکا پەی فیستیڤاڵەکەی و واتش: "جە گرڎ شۊنێنە ترۆمبێلوو فاڕایۆ ئاماڎە کریان. ڕۊو یەکشەممەی چنی گەلەکەیما جە فیستیڤاڵەکەنە ئاماڎۍ بیمۍ."

ئەندامەو ئەنجومەنوو ژەنا لاژینی جە لۆزان، بەهار یەشیلیورتە ئاماژەش پانەی کەرد کە سەردای کامپەکاو پەنابەراشا کەردەن و ژەنیشا جە فیستیڤاڵەکەی ئاگاڎارۍ کەردێنێوە.