فەرماندۍ قەرارگەو ناوەندی یەژا ستاری سۆزان چەولیکە ئەرەیاۋناش، هەڵمەتەو ١٥و ئابی قۆناغێوە تازێش جە تاریخوو ئەرەکۊشای ژەنۍ و گەلوو کورڎینە دەسپنەکەرڎو و واتش: " دماو هەڵمەتەکێوە جە کەسایەتی ژەنۍ و جوانانە شۆرشێوە کۆمەڵایەتی ئاما ئاراوە."
پەیاموو فەرماندۍ قەرارگەو ناوەندی یەژا ستاری سۆزان چەولیکۍ پەی ساڵوەگەڕو ٤٠ـەمین و هەڵمەتەو ١٥و ئابی جە ستێرک تیڤییۆ وەڵاکریاوە.
هۊرسەنگنایەکۍ سۆزان چەولیکۍ پی جۊرەنۍ:
"جە مېڎانوو مڎرامانوو کەشەکا کورڎەسانیوە بە نامۍ هێزەکاو مڎرامانوو هەپەگەی و یەژا ستاریوە ٤٠ـەمین ساڵوەگەڕو هەڵمەتەو ١٥و ئابی بە دڵ و بە گیان جە ڕابەر ئاپۆی و ئەویندارا و هۆگرا ئازاڎیی پێرۆز مکەرو. سڵام و وەشەسیای بۍ کۊتاما پەی ڕابەر ئاپۆی بەربڕمۍ. هەڵمەتەو ١٥و ئابی جە گەلی وڵاتپارێزنیما و تەماموو مرۆڤایەتی پێرۆز مکەرمۍ. هەڵمەتەو ١٥و ئابی ژیۋایۆ بۍ جە تاریخوو گەلوو کورڎینە. خاوەنداریکەردەیبۍ جە شناسنامەو ئازاڎیی. بی بە بناغەو ئەرەکۊشای ئازاڎیی ژەنۍ و شناسنامەو ئازاڎیی ژەنێش خوڵقنا. تاریخوو ئازاڎیش سەر جەنۆ جە کەسایەتی ئازاڎیی ژەنەو کورڎینە نویستۆ. جە کەسایەتی ژەنەو کورڎینە شۆڕشوو ئازاڎییا. شۆڕشێوە فکرییا و ئیلهام بەخشا پەی گرڎوو ژەنا چێردەسەی. هەڵمەتەو ١٥و ئابی پېگەو ۋێپارێزنایش جە گەلوو کورڎینە خوڵقنا. هامکات بی بە بناغێوە پەی ۋێپارێزنای ژەنۍ. پېسە هێزەکاو یەژا ستاری سەرو ئی بناغەیە جە گرڎوو پارچەکا کورڎەسانینە پېسە هێزەکاو پارێزنای ژەنۍ ۋێما بە ڕێکوستەی کەردەن. بناغەو ئەرەکۊشایما ئینا سەرو ئی هێڵێوە. پی بۆنۆ هەڵمەتەو ١٥و ئابی جە ئەڎاو گەشمەرڎا، ئەڎایا وڵاتپارێزنی، گرڎوو ژەنا ئازاڎیوازی پێرۆز مکەرمۍ و هیواو سەرکۊتەیشا پەی موازمۍ.
فەرماندەما هەڤاڵ عەگید سەرمەشقایەتی هەڵمەتەو ١٥و ئابیش کەرد. پۊکاتی بە حورمەتۆ یاڎش بەرز ڕاگێرمۍ. جە کەسایەتی فەرماندە عەگیدینە تەماموو گەشمەرڎا شۆڕشی یاڎۍ مکەرمێوە و سەرەما ئاستشانە منامنمێرە. بۆنەو ئی ڕووە مبارەکەیۆ جارێوەتەر دڵسۆزی ۋێما جە ۋەرا ۋەرو ڕەنج و مانیایی ڕابەر ئاپۆی و گرڎوو گەشمەرڎانە بەربڕمێوە. گرڎوو ئەرکو ۋەرپرسیاریما جابەجۍ مکەرمۍ. دڵسۆزی ۋێما و هەمڕایما بە سەرکۊتەی مکەرمۍ بە سەوقاتی.
پېسە ئاشکران ٤٠ ساڵۍ سەرو هەڵمەتەکېرە موییەرۆ، وەڵۍ هەڵمەتەکێنە ئاژەو گەلەکەیمان ڕۊشن بۍ، دووژمن سیاسەتوو قڕکەردەی ڕاوەبەر کەرۍ. هەڵمەتەکۍ سەرهۊردایۍ بۍ جە ۋەرا ۋەرو ئا هروژم و ناچارکەردەیانە بە ۋێدایدەسۆی. سەرجە نۆ نویستەیۆ تاریخو ئەرەکۊشا گەلوو کورڎی بۍ. دلۍ ئی چل ساڵەینە گەلوو کورڎی سەرجەنۆ ژیۋاوە و خاوەنداریش جە ئەرەکۊشای ئازاڎیی و کولتوری و زۋان و ۋێش کەرد. جە هەمان کاتەنە پەی پارێزنای گەلوو کورڎی و خاکەکەیش دەورێوە تاریخی بۍ. ئارۆیچەنە سەرو ئی بناغەیە ئەرەکۊشایما ڕاوەبەرمکەرمۍ. متاومۍ بواچمۍ؛ هەڵمەتەو ١٥و ئابی جە تاریخوو گەلوو کورڎینە، جە تاریخو ژەنێنە سەرەتاو قۆناغێوە تازەیا.
هەنگامەو شناسنامەو ئازاڎیی گەلوو کورڎین، ئیراڎەو گەلوو کورڎیش بەروستۆ، پاسشەکەرد کە بە مۆراڵ و ئازایێوە گەورۆ خاوەنداری جە شناسنامەو ۋێش بکەرۆ. بێگومان شۊنەو هەڵمەتەکێرە جە کەسایەتی ژەنۍ و جوانانە شۆڕشێوە گلېرگەیی ئاما ئاراوە. ئی ئەرەکۊشایە جە بەردەوامی ۋێشەنە مێراتێوە گەورەش خوڵقنا. قوربانی گەورە و گرانما دا. بە فیداکارییوە گەورۆ یاوایمۍ پی ئاستەو ئیساتێما، پۊکەی قەرزارۍ ڕابەر ئاپۆی و گەشمەرڎامانمۍ. بە ملیۆنان مرۆڤۍ خاوەنداریشا چی هەڵمەتێنە کەرد، بەبێ ئانەی پەی جارێوەیچ پەشیمانۍ باوە و سەرە نامنارە ۋەرا ۋەرو دووژمنینە. جە تەماموو کورڎەسانی و ۋەرکۊتوو مېیامینینە بە ئایدیاکاو ڕابەر ئاپۆی و ئەرەکۊشایماوە ئیراڎێوە گەورە وەشکریا.
ئارۆنە ئرەکۊشایما جە گرڎوو پارچەکا کورڎةسانینە زېڵۍ نەتەوەی دیموکراتیکیش خوڵقنا.. ئینەیچ دەرەنجاموو ئا ڕەنج و کارەینە. جە ئیساتێنە بە دەسوو هێزە هەژموونوازەکا جە کورڎەسان و ۋەرکۊتوو مېیامینینە جەنگێوە بریۆڕاوە. لاو گرڎ کەسیۆ ڕۊشنا نە پرسوو گەلوو کورڎی و نە گرفتەکۍ گەلا چێردەسەی بە جەنگ چارەسەرۍ نمەبا.
ڕابەر ئاپۆ بی بە هیوێوە پەی مرۆڤایەتی. ئا چارەسەرییەی کە ڕابەر ئاپۆ دەسنیشانش کەردەن؛ چارەسەری واڵە و برایەتی گەلان، چارەسەری زېڵۍ دیموکراسییا، سەرو تەماموو چاندی و ئیراڎەو گرڎوو نەتەوەکا. ڕابەر ئاپۆ پەی ئی قەیرانا پەی چارەسەری پەرسەکا تەنیا ڕا و ڕێبازا. بەڵام داخەم نمەشۆ هەم جە کورڎەسان و هەمیچ جە هەرێمەکەنە، هێزەکاو دەسەڵاتداری حەجگیز گەرەکشا نیا گەلی و هێڵۊو رابەر ئاپۆی پەی ۋێشا بە بنەما بگێرا. بە پێچەوانۆ جە ۋەرا ۋەرو نشاسنامەو گەلانە جەنگەکا قوڵتەر مکەراوە. گەر سەرنج بڎەیمۍ جە ۋەرکۊتوو مېیامینینە جەنگی جیهانی یەرەمی ڕاوەبەر مکریۆ، بە فرەیچ سەرو دلێنەبەردەی شناسنامەو گەلا ڕاوەبەر مکریۆ. گرڎوو کێشە و قەیرانەکا دەرەنجامۍ ئی جەنگەینۍ. گرڎوو هێزەکا جە کورڎەسان و ۋەرکۊتوو مېیامینینە ئی سیاسەتەیە ڕاوەبەر مکەرا. جە لێوە دەوڵەتو ئیسرائیلی بە هێزو ناتۆیۆ گرڎ هرووژم و قڕکاریێوە ۋەرا ۋەر بە گەلی قەڎیمی فەلەستینی ڕاوەبەر مکەرۆ. ۋەرو چەما گرڎوو گەلا عەرەبی و جیهانیوە ئی جەنگەیە گەرمتەر مکەرۆ. جە لێوەتەرۆ ساڵانێوە فرەن دەوڵەتوو فاشیستی تورکی جە ۋەرا ۋەرو گەلانە و سەرو گرڎیشاوە ۋەرا ۋەر بە گەلوو کورڎی سیاسەتو جەنگی، قڕکەردەی و تاڵانیش کەردەن بە بنەماو سیاسەتو ۋێش. چڼین زلهێزێچ دلۍ ناتۆینە پەشگیری ئی سیاسەتەو دەوڵەتو فاشیستی تورکی مکەرا. ئینەیچ پاسشە کەردەن دلۍ گلېرگەو کورڎ، عەرەب، فارسی و گرڎوو گەلا چێردەسەینە قەیرانە و تاڵانکاری تازە ڕووە بڎا. ئارۆیچەنە جە هەرێمەکەنە ئی سیاسەتە ڕاوەبەر مکریۆ. بێگومان جە ۋەرا ۋەرو ئینیشا گرڎینە ڕوانگەکۍ ڕابەر ئاپۆی چارەسەرۍ بنەڕەتیۍ گرڎوو پەرسەکانۍ. پی ڕوانگاوە گەلۍ ڕا جە قەیرانۍ و کێشەکا مگێرا. پەی حەقیقەتوو گەلا تاکە چارەسەرییا. پەی ئانەی گەلوو کورڎی و گەلا هەرێمەکەی بە دروسی جە چارەسەری روانگەکاو ڕابەر ئاپۆی بیاوانە، پەنەوازا زووتەر ئی حەقیقەتەیە بوینا و جە ۋەرا ۋەرو ئینەینە یۆبیەی ۋێشا وەش بکەرا و ئەرەکۊشایشا بەردەوام بکەرا.
ئێمە واتما، یۆ جە قورستەرین جەنگەکا کوردسانەنە مکریۆ. پێسە مزانیۆ خەباتوو وێمانە ساڵیوی گرنگەما جیا ئاستە، بە سەرمەشقایەتیی ڕابەر ئاپۆی، گەریلاکاو کوردسانی هەرپاسە بە سەرمەشقایەتیی گەلە نیشتمانپەروەرەکەیما، ژەنی و گەنجێ و فرە کەسێ ئازادیوازێ چی پڕۆسەنە، ئێمە دژوو سیاسەتوو دلێنەبەردەی دلێ مدرامانینە بەردەوامێنمێ. وەروو ئانەیە خەتەو ڕابەر ئاپۆی بیێنە ناوەندێوە، ئی خەتێ وەراوەروو ئی سیاسەتیوە مدرامان مکەرۆ. چەنی ئینەیچە ئارۆ سەروو سەرۆکایەتی، سەروو گەلەکەیما، سەروو جمیەریما، سەروو گەلە ئازادیوازا و ژەنە ئازادیوازا هجووم جە گرد لاێوە هەن، هجوومیوە گردگیر هەن. با گرد کەس بزانۆ حرچند ئی هێزە وێش قەوەت نیشانە بدۆ، دلی ئی قەیران و ئاژاوانە فرسەت پەی گەلا هەن، کە ئەگەر ڕا و ڕیبازوو خەباتی هامپەیمانی بۆ، ئێمە متاومێ ئی سیاسەتوو جەنگییە ماڕمێنە، ئێمە ئی ئەزموونەیە جە تارێخوو وێماوە هورمگێرمێ، با فرەر دوور نەلمێ، ساڵەو ٢٠٢٤ ینە گەلوو سەرنیشتوو کوردسانی و ئیسەیچ سەرانسەروو کوردسانینە مدرامانیوە فرە گەورە هەن، وەلێ ئانە کە فرە وەرەچەمەن یۆبییەی گەلوو کوردین، هەڵوێستوو گەلوو کوردین، مدرامانوو ژەنێن، هینوو گەنجان، هەرپاسە بە هەڵوێستێوە کە هەنگامە پەی دمای نەنیۆ وێشڕێک وستەن، جە هورچنیەی ٢٠٢٤ وانەنە یۆبییەی گەلا، هەڵوێستوو گەلوو کوردی هەڵوێستوو ژەنا و گەنجاو کوردی نیشانەش دا، کە هێزێوە پاسە وێش بە گەورە مزانۆ چەنی مدۆڕیۆ، ئینە وەرەچەماو گردکەسیوە بێ، هەرپاسە جە ختەو پارێزنایچەنە ئارۆ زاپەنە نیشانە دریا، وەراوەروو هێز و تەکنیکوو ناتۆینە، وەراوەروو ھێزوو ھامپەیمانیی پیسینە، سەرکەوتەی و ھێزوو وێش نیشانە دا، ئیساتێ وەراوەروو ئینەینە ئینەیچ بەرمگنۆ، کە دیارا خەتەو هەڵمەتەو ١٥و ئابی و خەتەو وێپارێزنای، ڕۆحوو هەڵمەتەو ١٥و ئابی ڕۆحوو زاپین. وەروو ئانەیە ڕۆحوو خەباتوو زاپی ڕۆحوو بڕوابەوێبییەی وێش نیشانە دا، وەراوەروو ئینەینە ئینەیچ بەرمگنۆ کە دیارا خەتەو هەڵمەتەو ١٥و ئابی و خەتەو وێپارێزنای ڕۆحوو هەڵمەتەو ١٥و ئابی و ڕۆحوو زاپین. وەروو ئانەیە ڕۆحوو خەباتوو زاپی دوژمنی ماڕۆ، بنەماو خەباتەکەیش قەوەتەنە ئەزموونەکێچش قەوەتێنێ، سەروو ئی بنەمێوە ئارۆنە خەبات تەنیا سەروو هێزەکاو دەوڵەتوو تورکیوە مکەرۆ، وەراوەروو هێزەکاو ناتۆیوە. ئێمە ئارۆنە ئی ڕاسییە موینمێ، ساڵەو ٢٠٢٤ینە خەباتوو ئێمەیچ هجوومەکاو دژوو ئێمەیچ یاوێنێ ئاستێوە تازە، ئارۆ بە مدرامانوو گەریلاکاو کوردسانی ، ساڵەو ٢٠٢٤ کەوتەن ئاستێوە تازەوە.
ساڵانێوە دوورودرێژا کە هیزەکاو پارێزنای کوردسانی، بە هێزوو پارێزنای خەتەو خەباتوو ئازادیی ژەنێوە سەدەو ٢١ینە گەریلایەتیی سەردەمی ئینا ئاستوو پسپۆڕینە، ئینە بە خەتەو فەرماندەیی هامرا عەگیدی و هامڕا زیلانێ مکریۆ. گەریلاکاو کوردسانی پی ئەزموونەیە سەروو ئی بنەمێوە تارێخ منویساوە. چێروو هجوومە گردگیرەکانە گەریلاکاو ئازادیی کوردسانی نەک تەنیا خەتەو پارێزنای وێشا بە تاکتیک مکەرا، بەپێچەوانەوە ئارۆ گەریلاکاو کوردسانی جەنگ و ڕێبازەکاو وێشا بەردەن قۆناغێوی تازەوە. وەراوەروو هێز و تەکنیکوو ناتۆیوە وێشا مپارێزنا و زەبری کوشندەیچ مدا وەنەو دوژمنی. هەمان وەختەنە ئینسان متاوۆ بواچۆ ئاستوو هەوایی و تەکنیکینە گەریلاکاو کوردسانی بە فرسەتوو وێشا، بە زانستی وێشا هەنگامێ گەورێ و سەرکەوتانێشا نیێنێ، بە هیزی وشکایی و هەوایی وێس ئارۆ وەراوەروو ئەرەگیریینە جەنگ مکەرۆ. پەنەوازا گردوو پارچەکاو کوردسانیجەنە پی ڕۆحەوە دژوو هجوومەکاو ئەرەگیری بمدراوە و بماڕاشا.
ماوەو ئی ١٠ ساڵە دماینە ئینایمۍ دلۍ جەنگێوە بەردەوامینە. بەتایبەت پانیشتوو کورڎەسانی بیەن بە چەقوو جەنگەکەی. دووۍ هێڵۍ هەنۍ دلۍ جەنگوو پانیشتوو کورڎەسانینە ؛ هێڵۊو پاراسداکۆکی و پارێنای کورڎەسانی و هێڵۊو نکۆڵیکەردەی و دلېنەبەردەی کە سەرو گەلوو کوردیرە سەپیۆنە. ئی هێڵێچە جە کەسایەتی دەوڵەتو تورکی و هامکارەکاشەنە ڕۊشنبیەنۆ. پەنەوازا چی جەنگەنە شانبەشانو هێڵۊو پارېزنای کورڎەسانی، گەلوو کورڎی و بەتایبەت ژەنا و جوانا خاوەنداری جە هەڵوێسی بکەرا. جارو یوەمی نیا گەلوو کورڎی رووبەروو سیاسەتوو قڕکەردەی دەوڵەتو تورکی مبۊوە. سەدێوەن سیاسەتو قڕکەردەی ڕاوەبەر مکریۆ و پەی گرڎ کەسێ ڕۊشنا جە کورڎەسانەنە. تەنیا ئانۍ کە نکۆڵی جە کورڎبیەی ۋێشا مکەرا ۋێشا جە گێلی مڎا ۋەرا ۋەر پی سیاسەتا. تەماموو گەلوو کورڎەسانی عال مزانۆ جە چ بەرێوە جەنگوو کوردا مکریۆ و مەرامشا چێشا. جە ماوەکا ئی دماییەینە پلانەو هرووژمی پەی سەرو ۋەرنیشتوو کورڎەسانی منیۆرە و هەوڵ مڎۆ ۋێش یاگەگیر بکەرۆ. هامکات چی ساڵا دماینە هرووژمش کەردەن سەرو مېڎانەکا پانیشتوو کورڎەسانی. جە ئیساتێچەنە دەسش کەردەن بە قڕکارییەکا سەرو پانیشتوو کورڎەسانی. جە هەرێمەکەنە جەنگێوە سەخت ملۆڕاوە. ئانەی زیاتەر جە ۋەرا ۋەرو ئی هێڵێنە گژیۆ گەریلاکۍ ئازاڎیی کورڎەسانینۍ. جە لێوەتەرۆ هێڵۊو خیانەتی و هامکاری جە کەسایەتی پەدەکەینە ڕۊشن بیەنۆ. چی قۆناغێنە کە ۋەرکۊتوو مېیامینیش چنە مجیۆراوە، گرڎ کەسێ خاوەنداری جە بیەی و چاندو ۋێش مکەرۆ. کەچی داخەم نمەشۆ پەدەکە و حکومەتوو پانیشتوو کورڎەسانی پەی ئانەی هێڵۊو ڕابەر ئاپۆی و پارێزنای کورڎەسانی دلێنەبەرۆ، ئینا بەرەو دەوڵەتو تورکینە پەنەوازا گەلوو پانیشتوو کورڎەسانی ئینەی قبوڵ نەکەرا. سیاسەتوو تورکی و هامکارەکاش ڕاوەبەرکەردەی جەنگین و جە ساڵەو ٢٠٢٤ینە بە ۋەرفراوانی ئینا جەنگەنە چنی گەریلاکاو ئازاڎیی کورڎەسانی کە تاریخ منویساوە. ئینە مژارێوە فرە جدییا. پەدەکە نەک تەنیا هامکاری ئەرەگیرا مکەرۆ هامکات خەریکو ڕاوەبەردەی سیاسەتێوە قیزەونیچا. پېسە ئا سیاسەتەی جە ئیساتێنە جە ۋەرا ۋەرو هێزەکاو پارېزنای گەلینە ڕاوەبەرش مکەرۆ. پەدەکە بەرەش ڕووەو ئەرەگیرکەردەی پانیشتوو کورڎەسانیرە کەردەنۆ. گەر گەلوو پانیشتوو کورڎەسانی دژوو ئینەی نەمردۆوە ئانە پانیشتوو کورڎەسانی جە دەس مشۆ. پەدەکە پی سیاسەتە خیانەتکارانەیشۆ ئیتر نمەتاوۆ بواچۆ پارێزنەرو دەسکۊتەکا گەلوو کوردین. پەنەوازا ئیتر نامۍ کورڎەسانی نۍ سەرو زۋانیشەرە و سیاسەت نەکەرۆ. ۋەروو ئانەی جە ئیساتێنە هامکارو سیاسەتو دلێنەبەردەی گەلوو کورڎین. پەنەوازا ئیتر گرڎ کەسۍ حەقیقەتوو پەدەکەی بشاناسۆ. سیاسەتە ئەرەگیریەکۍ بە تەنیا سەرو گەلوو کوردی نیەنۍ، هامکات سەرو گەلوو عەرەبی و گەلا تەرو هەرێمەکەیچەنۍ. ۋەرو ئانەی پەنەوازا جە ئیساتێنە جە گرڎ کاتێ زیاتەر بە زېڵۍ و مەرامەکا هەڵمەتەو ١٥و ئابیوە جمێوە. پېسە گەریلاکاو پارێزنای کورڎەسانی ئا ئەرک و ۋەرپرسیاریەی گنۆ سەرو شاناما جابەجێش بکەرمۍ.
ئاخرۆ گەرەکمەن بواچوو، ئا جەنگوو قڕکەردەیە کە ٢٥ ساڵێن مکریۆ، بەتایبەتی ١٠ ساڵی وەڵینەنە بنەڕەتنە دژوو ڕابەر ئاپۆی میاوۆ یاگێ. پێسەو گەریلاکاو هەپەگە و یەژاستاری و جەنگاوەراو خەتەو رابەر ئاپۆی دۆخوو ڕابەر ئاپۆی پەیما پەرسەی سەرەکییەنە. ئا سیاسەتە ئیساتێ وەراوەروو ڕابەر ئاپۆیوە مکریۆ پاسە مایێ نیگەرانیی گەلەکیما و ژەنانە، چادیشا زیاتەر مایێ نیگەرانیی ئێمەنە.با دەوڵەتوو تورکیای بزانۆ، تەندرووسی و سڵامەتیی سەرۆکایەتی ئینا دلێ تەرسیوی فرێنە، هاگاما چانەیە هەن، بەڵام با دەوڵەتوو تورکیچ خاس بزانۆ، ئەگەر ڕابەر ئاپۆ چیوێش سەر بێ بەتایبەتی جەناگوەراو یەژاستاری و جەناگوەراو هەپەگەی و تەماموو ژەنا و گەنجە ئازادیوازا چێوێ نمازاوە بە نامێ تورکیایوە، مشۆم دەوڵەتوو تورکی خاس ئینەیە بزانۆ، بە کەس بە سیاسەتوو 'ئاندە گەریلێما کوشتێ، ئاندەما پاکتاوێ کەردێ، قفڵما کەردێ و ئاندەما داگیر کەرد' باوڕ نەکەرۆ و گۆش نەگێرۆ، مشۆم دەوڵەتوو تورکیای خاس لەیەکش بدۆوە. ئا وەختە دەوڵەتوو تورکی نمەتاوۆ چێروو ئا سیاسەتینە بەرپشۆ، مشۆم خاس ئی ڕاسییە بزانۆنە.
چی قۆناغەنە بەڕاسی مدرامانێو بێهامتا هەن، مشۆم تەماموو ژەنا، گەنجا، گەلوو کوردی، وەراوەروو ئی سیاسەتەیەنە زیاتەر پەشتقایمێ با بە هێزوو وێشا، بە هێزوو وێما ئێمە هەرمانەکاما وەراوەروو سەرۆک ئاپۆی و بەهایەکاش میاونمی یاگێ. ئەگەر ئانە بیاویۆ یاگێ دلێنەبەردەی و جەباربەردەی ئا سیاسەتەیە نزیک مبۆوە، بڕواما بە هێزی جەوهەری وێما هەن، بە مدرامانوو گەلوو کوردی و ژەنا و گەنجا هەن کە زیاتەر خاوەنداریی چا بەهایا مکەرا. وەخت وەختوو خاوەندارین جە ئشناسنامەی و بەهای. پێسەو گەریلاکاو کوردسانیچ، جە گرد وەختێوە زیاتەر بڕواما بە وێما هەنە، پێسە چەنی هەڵمەتەو ١٥و ئابی دهێی سەرنیشتوو کوردسانینە پێسەو ئەوەڵ فیشەکی دریا مەژگوو دەوڵەتی فاشیستوو تورکیرە، ئێمە هەمان پاگێرتەیرەما هەن کە بە ڕۆحوو هەڵمەتەو ١٥ئابیوە ئا سیاسەتوو قڕکەردەیە و خیانەتی کە کەسایەتیی پەدەکەینە هەن پانیشتوو کوردسانینە هەن بماڕمێش. چی جەنگەنە وەرو ئانەیە ئێمە دمافیشەک بنیەیمێ پی سیاسەتیوە هەرمانە و ەرپەرسییما جە گرد وەختێوە زیاتەر مکەرمێ، چێش بۆ با بۆ، پەوکای واوەی هەڵمەتەو ١٥و ئابی جە گرد لاێوە و گردوو هامرایاما مەبارەکە مکەرمێ و ماچمێ" بژیوۆ سەرۆک ئاپۆ" و "بژیوۆ هەڵمەتەو ١٥و ئابی".
