دەستگەو ئاماری جە تورکیا (تویک - TUÎK) ۋەڵاش کەردەۋە: تەنها جە مانگەو ئەیلول-و ۲۰۱۸ی، جە تورکیا بێکاری بە ڕێژەو ٠.٨ زیاڎش کەردەن و بەگردی بێکاری ١١.٤%ش دەرباز کەردەن.

(تویک - TUÎK) ئاشکراش کەردەن: بێکاریەکە کەسانێ تەمەن ۱٥ تا ٦٥ ساڵانێش گێرتەنەۋە و بەگردی تەمەن ۱٥ تا ۲٤ساڵانێ زیاتەر بێکارێ بیێنێ.  تەنها جە مانگەو ئەیلولی ۳۳۰ هەزار کەسێ بێکارێ بیێنێ. پی جۆرە جە ئیسەنە ٣ ملیۆنێ ٧٤٩ هەزار کەسێ بێهەرمان و کارێنێ.

شارەزێ جە بواری ئابوریەنە باس جە تەرسناکی دۆخەکەی مەکەرانە و هۆشداریشان دان، ئەگەر بە خێرایی قەیرانە ئابوری و داراییەکەو تورکیای چارەسەر نەکریۆنە، ئاماژێ هەنێ کە جە ۲۰۱۹نە بێکاری جە ٪۱٥ی نزیک ببۆۋە.