ئاکەپە دزانش نیا تالانکەردەی زەیتوون-و عەفرین-یەرە

بەکر پاکدەمیرەل وەزیرو کاڵیاری تورکیای: ئێمە زەیتوون-و عەفرینیمان تاڵان کەرد و دەرامەتەکێش پەی وێمان بەرێمێنە و پەکەکەیش چنە بێبەش مەکەرمێنە.

چا کاتەۋە کە عەفرین-نش داگیرکەردەن، ڕژێمو تورکیای و تاقمە چەتە تەرۆریستەکێش بە گرد شێۋازێ چەپەڵانە سەرقاڵێ تاڵانکەردەیشەنێ. دمایین تاڵانیشان بەرهەمو زەیتوون-یەن. تاڵانکەردەی زەیتوونەکەی جەلاو  فراکسیۆنو هەدەپەی جە پارلەمانو تورکیای بریا پارلەمان و پێسەو پرسیارێ و ۋنەپەرسای ئاڕاستەو  وەزیرو کاڵیاری تورکیا کریا و ئاڎیچ پێشنەکریا بشارۆشەۋە و بەناچاری پاساۋێش پەی ئاوردەۋە و دزانش نیاپۆرە.

 بەکر پاکدەمیرەل وەزیرو کاڵیاری تورکیای جە وەڵامو هەدەپە-یەنە ۋاتەنش: گەرەکمان نییەن دەرامەتو زەیتوونی جە عەفرین پەی پەکەکەی بۆنە، پۆکەی ئێمە هەم دەرامەتو زەیتوون و هەم سەرجەم دەرامەتو عەفرینی پەی وێمان بەرێمێنە. چا چوارچێۋەنە  ٥۰ هەزار تەنێ جە زەیتونەکەی ڕەوانەو بەرو وڵاتی و ئەوروپای مەکەرمێنە.

سەمەرە ئانەن کە هیشتای ڕژێمو تورکیای پەی تاڵانکەردەی عەفرینی پەکەکەی مەکەرۆنە بە بەهانێ. بەڵام پەی گرد لایێ ئاشکران، نە جە ۋیەردە و نە ئیسەنە کە عەفرین جەلاو توکیاو تاقمە چەتەکانش داگیرکریان، پەکەکە جە عەفرین نەبییەن .