جەی بارەوە،" دانیێڵ جۆتاس"، ۋەرپەرسو دەستگا زانیاری نەتەوەیی وڵاتە یۆگێرتەکا ئەمەریکای، جە ڕاپۆرتێۋەنە پەی کۆنگرێسو وڵاتەکێش، واتەنش:"نەیارەکێ ڕژێمو ئەسەدی، ئا هێزشا نییەن ئەسەدی بەرکەنار بکەرا. ئۆپۆزسیۆنەکە بەتایبەت جە بواری سەربازیەنە کەمش ئاۋردەن". 

جۆتاس، ماچۆنە:"ڕەنگا ئۆپۆزسیۆنی سوری تا ساڵێۋتەر توانا جەنگیش بۆنە، بەڵام ئانە پەی فاڕای دەسەڵاتی ۋەسێ نییەن".

جە ڕاپۆرتەکەنە، ئاماژە دریان بە دەسۋەردای ئێرانی جە سوریا و سەرقاڵیش بە دروسکەردەی سەربازگاۋە و پەلکێشکەردەی چەکدارە شیعە بیانیەکا پەی ئا وڵاتەیە.