بە نزیک بییەی جە ۱٥و شوباتی پەکەکە بانگەوازی مدرامانیش کەرد

بە نزیک-بییەی جە ساڵیادو گەلەکۆمەی میاندەوڵەتی ڕاۋەبەری پەکەکەی بانگەۋازیش پەی مدرامانی سەرتاسەری کەردەن و بەدی-ئاۋردەی ئاشتی و دیموکراتیش بەستەنەۋە بە کۆتایی ئاۋردەی بە سیستمو ئەشکەنجە و گۆشەگیری ئیمرالی.

کۆمیتەو ڕاۋەبەری پارتو کارگەرانو کوردستانی (پەکەکە)، بە نزیک-بییەی جە ۲۰مین ساڵیادو گەلەکۆمەو میاندەوڵەتی ۱٥و شوباتی، کە دژ بە ڕێبەر عەبدوڵا ئۆجالانی ئەنجام دریابێ، بانگەۋازیشش کەرد.

بانگەۋازی (پەکەکە)یەنە ئومان:

"ئیتر گۆشەگیری قبوڵ نمەکەرمێنە"

"سیستمو ئەشکەنجە و گۆشەگیری ئیمرالی ئیتر قبوڵ نمەکەرمێنە و گەرکمان نییەن هامتەریبش بژیۋمێنە. پۆکەی مشیۆم کۆتاییش پنە باۋریۆنە و فاشیزم هۆربشنیۆۋە، کوردستان ئازاد بکریۆنە و ڕێبەر عەبدوڵا ئۆجالان ئازاد بکریۆنە و سەربەست و ئازادانە بژیۆنە".
  
"پنەۋازی بە مدرامانی بێهەمتای هەن"

"پیلانگێڵی و گەلەکۆمەو ۱٥ شوباتی و مدرامان دژش دەربازو ۲۱مین ساڵەی بۆنە. ڕێبەر ئۆجالان جە ۋەرانۋەرو ئەشکەنجە و گۆشەگیری ئیمرالی مدرامانی مەزنش کەردەن و مەکەرۆنە. سەرەتا پیرۆزبایی جە ئا مدرامانەیە مەکەرمێنە و بە هژیارییەۋە سڵامش پەی مەکیانمێنە. هاموەخت پیرۆزبایی جە کوشایش و مدرمانو قارەمانانەو گەلەکەیمان دژ بە گۆشەگیری ئیمرالی مەکەرمێنە و جە کەسایەتی (خالید ئۆراڵ و ئاینور ئارتان)یەنە بە هژیاری و شکۆمەندییەۋە یاد جە سەرجەم شەهیدانو مدرامانو 'شمە نمەتاودێنە ڕۆچمان تاریک بکەردێ' مەکەرمێۋە و بەڵێن مڎێمێنە؛ درێژەدەرێ ڕێبازەکێشان بێمێنە و ئاۋات وئامانجشان بەدی باۋەرمێنە"

"۲۱ ساڵەشەنە گەلەکۆمە بە مدرامان وەڵامش مدریۆۋە"

"جمیەرو ئازادی کوردستانی و گەلەکەمان، بە مدرامانو (فاشیزم هۆربشانمێۋە، گۆشەگیری کۆتایی پنە باۋەرمێنە و کوردستان و ڕێبەر ئاپۆی ئازاد بکرمێنە)، ۲۱ ساڵەشەنە وەڵامو گەلەکۆمە و پیلانگێڵی ۱٥ شوباتی بڎاۋە. بە پێشەنگی لەیلا گۋڤەن، هامسەرۆکەو کۆنگرەو کۆمەڵگەى دیموکراتیکی (کەجەدە) و پەرلەمانتارە جۆلەمێرگ-و هەدەپەی، مدرامانی مێژوویی دەستش پنە کەردەن و مدرامانەکە کوردستان، وەرهۆرزی دلین و جیهان-نەرە ۋەڵاو بییەنەۋە. هەر جە ئیسەۋە  بە مدرامانەکەی فاشیزمەکەو ئاکەپە و مەهەپەی تەنگەتاو بییەن. بێگومان مدرامانەکە تا ئا کاتە سیستمو ئەشکەنجە و گۆشەگیری ئیمرالی بەدمایی باۋەرۆنە بەردەۋام مەبۆنە و جە ۲۱مین ساڵەشەنە پیلانگێڵی ۱٥و شوباتی مەۋزۆنە زبڵدانو مێژووی. ئێمە سڵام و ستاییش ئاڕاستەو لەیلا گوڤەن، ناسر یاگیز و سەرجەم هەڤاڵە مانگێرتەکانشان مەکەرمێنە و باۋەڕدارێنمێ، کە جە چنڎ هەفتە و مانگێ ئایندێنە سەرکەوتە فرە گرنگی مێژوویی بەدەست بۋزمێنە".

"بانگەوازی پەی پاککەردەی پەڵەی سیاۋی" 

"پیلانگێڵی و گەلەکۆمەی میاندەوڵەتی ئامانجشەن جە کەسایەتی ڕێبەر ئۆلان-یەنە بییەی کوردی وئازادییەکەیش تەسفیە بکەرۆنە. پیلانگێڵیەکە جەلاو ڕاۋەبەری وەختو ئەمەریکای، جە ۹ تشرینو یەکەمو ۱۹۹۸ی بە بەرشییەی ڕێبەر ئاپۆی جە سوریا دەستش پنەکەرد و جە ۱٥و شوباتو ۱۹۹۹ی جە کینیا دەربازو قۆناغێ تەری بی و دەسەڵاتدارێ وەختی جە ئیسرائیل، بەریتانیا، رووسیا، فەرەنسا، ئەڵمانیا، میسر و یونان جە پیلانگێڵیەکەنە بیێ بە هامکارێ ئەمەریکای و دەرنجام ڕێبەر ئۆجالان دیل گیریا، کە جە کەسایەتی کوردیەنە پەی سەرجەم مرۆڤایەتی کۆشێنە. پیلانگێڵی و گەلەکۆمەکە سوکایەتیێ گەورە بێ بە کورد، ژەنێ، ئازادیۋازێ و سەرجەم مرۆڤایەتی. پۆکەی بانگەۋازی جە هێزە پیلانگێڵەکان مەکەرمێنە پنەۋازەن تا بە کۆتایی ئاۋردەی بە سیستمو ئەشکەنجە و گۆشەگیر ئیمرالی، ئا پەڵە سیاۋ و سوکایەتیەیە پاک بکرانێۋە".

"گرد چێۋ ڕووەش جە سیستمو ئەشکەنجە و گۆشەگیری ئیمرالین"

"ئێمە فرە خاس مەزانمێنە، کە پیلانگێڵی دڕندانەو ۱٥و شوباتی، چندە هەوڵش پەی ئەۋەسڕیەی کوردیەن، ئانڎێچ دیموکراسی تورکیاش کەردەن ئامانج. ئیسە جە تورکیا مسقاڵە زەڕێۋە دیموکراسی نەمەندەن. پیلانگێڕیەکە و سیستمو ئەشکەنجەی و گۆشەگیری جە ئیمرالی ئیتر یانی ❞فشار، فاشیزم، تەرۆر، داگیرکەری، ئاورای-کەردەی، هەژارکەردەی، دڵێنەبەردەی ئازادی و دیموکراسی جە کوردستان و تورکیا❝، هەر پۆکەی پنەۋازەن تا فرەتەرین گەنجێ، زەنێ، ئازادیۋازێ و گەل، دژ بە گۆشەگیریەکەی بمدرانێۋە. وەڵێ گردیشانە جمیەرو شۆڕگێڵی یۆگێرتەی گەلانی (تەشەیەگە - TŞYG)، شۆنیشەرە سەرجەم هێزە چەپ و دیموکراتیۋازەکێ، داۋاشان ۋنە مەکەرمێنە، تا جە دەورو هەنتری کۆببانێۋە و بەشدارێ هەڵمەتو مدرامانو 'گۆشەگیرى دلێنەرە و فاشیزم هۆرشانەۋە' بکەرانێ و خاوەنداری جە ئازادی و دیموکراتی تورکیای بکەرانە".

"ئیتر ژیۋای چنی ئا سیستمیە نمەبۆنە" 

"گەلەکەمان ٢٠ ساڵێن ١٥و شوباتیش بە'ڕۆی سیاۋ' بە نامێ کەردەن و جەی ڕۆچە سیاۋنە بە چالاکیێ دژ بە پیلانگڵیەکە و سیستمو گۆشەگیری ئیمراڵی ناڕەزایەتی نیشانە مڎۆنە و سیستمەکەی ڕەت مەکەرۆۋە. ڕێبەر عەبدوڵا ئۆجالان-یچ ڕۆچەکەش نامێ نیان 'ڕۆو ئەۋەسڕیەی کوردی' و بانگەۋازیش پەی کۆشاییشی ئازادی و دیموکراسی کەردەن. ۋەرو ئانەیەنە، کە جە ۱٥و شوباتیەنە فرەترین کار و خەبات و چالاکیێ ئەنجام مڎریانە. گەل و جمیەرەکەمان و گەریلاکێمان بە کۆبییەی، چالاکیێ سیاسیێ و مەدەنیێ، مانگێرتەی و ڕاپیمایێ، مدرامانی جۆربەجۆر و چالاکیێ لەشکریێ پێشوازی جە ۱٥و شوباتی مەکەرانە. ئانێچە بەرشۋزۆنە، کە کورد و جمیەرەکەش سیستمو ئەشکەنجە و گۆشەگیری ئیمرالی قبوڵ نمەکەرانە و گەرەکشانە دماییش پنە باۋەرانە و شکستیچ بە فاشیزمی بڎانە، هام وەخت هەم کوردستان هەم ڕێبەر ئۆجالانی ئازاد بکەرانە".

"کورد سورەن و بە بڕیارەن جە شکستدای گۆشەگیری"

پنەۋازەن گرد کەس و لایێ ئانەیە بۋینانە، کە پەی کۆتایی ئاۋردەی بە سیستمو ئیمرالی، کورد و دۆستەکێش و گەنجێ و ژەنێ دلێ پارتیمان سورێنێ و بڕیاردارێنێ و کەس نمەتاونە مدرنۆنەشان. ئاڎێ هێزو فیدایی ئازادیەنێ و تاوەکو ڕێبەر ئۆجالانی ئازاد نەکەرانە دەستبەردارێ مدرامانی نمەبانە. گەرەکەن کورد جە هەر کۆ و لایێ هەن، ئانەیە بەبنەما بگێرۆنە و مدرامان دژ بە گۆشەگیری ئیمرالی و فاشیزمو ئاکەپەی بکەرۆنە و هەڵۋیستی فیدایی نیشانە بڎۆنە و ژیۋای فیدایی و ئازادانە و کورستانێۋی نۊ بونیات بنیۆنە".

"بە دڵنیایی فاشیزمو ئاکەپە – مەهەپەی هۆربشنیۆنە"

"گەل و دۆستەکێمان ۋەرگیری و بەرەنگاری مەکەرانە و بەدڵنیایی سیستمو ئەشکەنجە و گۆشەگیری ئیمراڵی شکست بڎانە، فاشیزمو ئاکەپە – مەهەپەی هۆربشانەنەۋە و سیستەمو ئەشکەنجە و گۆشەگیری ئیمرالی بۋزانە زبڵدانو مێژووی. بێگومان ۲۱مین ساڵەو پیلانگێڵی و گەلەکۆمەو میاندەوڵەتی دژ بە ڕێبەر ئاپۆی، ببۆنە بە ساڵەو شکستدای فاشیزمی و گۆشەگیری و هامکات ساڵەو سەرکەوتەی مدرامانیمان. پۆکەی گرنگەن جارێ تەر بانگەۋازی جە سەرجەم هامڕێ پارتیمان، هێزەکێ گەریلای، گەل و دۆستەکێمان، ژنێ و گەنجێ و ئازدیۋازێ تورکیای و جیهانی بکەرمێنە، تا مدرامانی سەرتاسەری بکەرانە و ۲۱مین ساڵو پیلانگێڵی بکەرمێنە بە ساڵەو ئازادکەردەی ڕێبەر ئاپۆی".