جه‌ ئامه‌د و ئێلح ٤٥ ژنێ مانگرێ دەستگیرێ کریێ

جەئامەد و ئێلح ٤٥ ژەنێ سەر بە جمیەرو ژەنێ ئازادێ (TJA - ته‌ژه‌ئا) كه‌ دژ بە گۆشەگیری ئیمرالی مانشان جە واردەی گێرتەبێ دەستگیرێ کریێ.

جە شارو ئامەدی، هێزەکێ پۆلیسی هۆرشانکوان سەرو چالاکی مانگێرتەی جە واردەی، کە جمیەرو ژەنێ ئازادێ (TJA - ته‌ژه‌ئا)ی، دژ بە گۆشەگیرکەردەی و چارەنۋیس-نادیاری ڕێبەر ئۆجالانی و پەشتیۋانی جە لەیلا گیوڤەنێ ئەنجامشان دان. جە هۆرکواکەیەنە ۲٥ ژەنێ مانگرێ دەستگیرێ کریێنێ، کە ژەنی تەمەن۷۰ تا ۸۰ ساڵانێ ئینێ دلێشانە و بریێنێ ئاساییش.

هاموەخت جە شارو ئێلحی ئەندامێ جمیەرو ژەنێ ئازادێ (TJA - ته‌ژه‌ئا)ی، بەهەمان مەبەست مانشان جە واردەی گێرتەبێ. ئاڎێچێ ڕووبەروو هێرشی بیێنێۋە و ۲۰ مانگرێشان پۆلیسی دەستگیرێ کەردێنێ و بەدێنێشان ئاساییش.

یاگێ  یادئاۋەریەن، جمیەرو ژەنێ ئازادێ (TJA - ته‌ژه‌ئا)، ۳ڕۆچێن مانگێرتەیش جە ئامەد و ئێلح دەست پنە کەردەبێ و تا ئارۆ بەردەوام بێ و سەرجەم مانگرەکێ دەستگیرێ کریێ. بەڵام ژەنە مانگرە دەستگیرکریێکێ بە ۋاتەی دروشمێ چوون "فشارەکێتان چنەبەرمان نمەیان، ئازادی دەستگیر نمەکریۆنە" دژبەری وێشان پەی هێرشەکەی نیشانە دان و ئاشکراشان کەردەن: مانگرەکێ جە ئاساییشەنە درێژە بە مانگێرتەی مڎانە.