میانگەو چاپەمەنی و یاۋنەری هێزەکێ پارێزنای گەلی (هەپەگە)،  سەبارەت بە ۲ چالاکیێ گەریلای کە جە پارێزگاو ئیدری سەر بە سەرنیشتو کوردستانی و ناوچەو سیدەکانی سەر بە پانیشتو کوردستانی ئەنجامێ دریێنێ ۋەڵاوکریای لەشکریش دان.
میانگەکە جە ۋەڵاکریاکەنە ئاشکراش کەردەن: "چالاکییەکێ ۋەڵام بییەن ۋەرانۋەر بە هێرشو ڕژێمو تورکیای پەی سەرو ئەڎایا کوردی".

ۋەڵاۋکریاکە:

جە ئیدر ۱۱ سەربازێ کوشیێنێ

"۲٤و نیسانی، سەعات ۰٦:۰۰و سەرسەبای، گەریلاکێ (هەپەگە)ی و (یەژاستار)ی، دژ بە سەربازگەو ئایدنلاری کە سەر بە پارێزگاو ئیدر-یەن چالاکیشان ئەنجام دان و جە ئاکامشەنە گورزی فرە قورس جە هێزەکێ دوژمنی دریان و سەرەڕاو زیانی ماددی فرەی، ۱۱ سەربازێ سوپاو تورکیای کوشیێنێ و ۱۰ی تەریچ بریندارێ بیێنێ. ڕژێم بە هەڵیکۆپەترێ جەنگیێ کوشیێ و بریندارەکێش فاڕێنێ نەوەشخانەکان. هامکات دوژمن بێسەروبەر و هەڕەمەکی ناوچەکەش تۆپۋاران کەردەن، بەڵام زیان بە گەریلای نەیاوان".

جە سیدەکان ۳ سەربازێ کوشیێنێ

"هەر جە ۲٤و نیسانی، بەڵام سەعات ۱٤:۰۰و دمانیمەڕۆی، جە بەرزایی کەڤۆرتێی کە سەر بە ناوچەو سیدەکان-یەن، گەریلا هێزە داگیرکەرەکێ تورکیاش کەردێنێ ئامانج و جە ئاکامشەنە گورزی قورسش جە دوژمنی دریان و ۳ سەربازێ کوشیێنێ و ۲ تەرێ بریندارێ بیێنێ. دمای چالاکییەکەی دوژمن ناوچەکەش تۆپۋاران کەردەن. سەعات ۰۰:۱٦ شەۋێ بە باڵەپڕێ جەنگیێ دیسان ناوچەکە بۆردمان کریان. بەڵام گەریلا بێزیان بییەن".

باڵەپڕە جەنگیەکێ تورکیای بەردەۋامێنێ جە بۆردومانی

"۲٤و نیسانی سەعات ۰۰:۱۰ دەیەقێ شەۋێ، دەگاو گسێ-ی جە گارێ و سەعات ۰٤:۱ دەیەقێ سەرسەبای مەیدانو مەرڤانوسی سەر بە ئاڤاشینی، جە لاو باڵەپڕە جەنگییەکێ تورکیای بۆردومانێ کریێنێ.  بۆردومانەکێ زیانی ماددیشان جە باغ، لەۋەڕگە و ژیۋگەی دان و گەریلا بێزیان بییەن".