ئارۆ جە جە کۆشکەو ئیلیزێی جە پاریس-و پایتەختو فەڕەنسای، کیاستەو ڕۆژئاڤاو کوردستانی و سەرنیشت و وەرهۆرزو سوریای، چەنی ئیمانۆئێل ماکرۆن سەرکۆمارو فەڕەنسای کۆبیێۋە.

جەی بارەۋە دکتۆر خالد عیسا نمایندەو ڕۆژئاڤای جە فەڕەنسا بە ئاژانسەکەیمان (فوڕات نیوز-ANF)یش ۋات: "جە ئیلیزێ دیدارێ فرە گرنگەمان چەنی ئیمانۆئێل ماکرۆن سەرکۆمار و گەورە ۋەرپرسێ تەرێ فەڕەنسای ئەنجام دا. جە دیدارەکەنە سەبارەت بە ئاژەو ئارۆی بە تایبەتی بارودۆخو ڕۆژئاڤاو کوردستانی و سوریای و جەنگ و کۆشای دژ بەتەرۆری و چەتەکێ داعشی گفتوگۆمان کەرد".
خالد عیسا ئاشکراش کەرد: "ئارۆ سەروێرەگا جە هۆتێل ویستون-و پاریسی سەبارەت بە دیدارەکەی کۆنگرەی ڕۆچنامەۋانی ڕێکۋزمێنە و زانیاری زیاتر پەی ڕای گردیی ئاشکرا مەکەرمێنە".