جە ئێراق بە تایبەتی جە پارێزگاکێ پانیشتی ٤ مانگێن وێنیشاندایێ و ناڕەزایەتیێ جەماوەریێ دژ بە حکومەتی، گەندەڵی و نەبییەی خزمەتگوزاری بەردەوامێنێ و هێزە ئەمنیەکێ ئێراقی بە چەکی گەرم و تونڎوتیژی ڕووبەڕوووشان بیێنێوە.
شەوێ ویەردێ و ئارۆچ جارێو تەر جە پارێزگاکێ بەغداد، نەجەف، کەربەلا، بەسرە، زیقار، موسەنا، میسان، دیوانیە، ناسریە و واست-ی و ناوچەکێ دەوروبەریشان وێنیشاندایێ و ناڕەزایەتیێ جەماوەریێ بە فراوانی دەستشان پنەکەردەنەوە. ئەی جارێچە وێنیشاندایەکێ ئاڵۆزیشان ونەکەفتەوە و هێزە ئەمنیە ئێراقیەکێ تەقەشان جە جەماوەری ناڕازی کەرد و جە ئاکامشەنە لانی کەم ۲ وێنیشاندەرێ کوشیێ و ۱۷ی تەرێ بریندارێ بیێنێ. هامکات چەنڎین وێنیشاندەرێ دەستگێرێ کریێنێ.

جە چوار مانگێ ویەردێنە، وێنیشاندایێ وناڕەزایەتیەجە ماوەریەکێ ئێراقی کە زیاتەر پارێزگا شیعەنشینەکێش گێرتەنەوە سەڎانکەسێ کوشیێنێ و هەزاران کەسێ تەرێ بریندارێ بینێ و چەنڎین چالاکوانێ و پێشەنگێ ناڕەزایەتیەکان و ڕۆژنامەوانێ کوشیێنێ و چەنڎینی تەرێ ئەڕفانیێنێ و بێسەروشۆنێنێ کریێنێ.