جە باشور قڕکەردەی ژەنێ بەردەۋامەن و جە ٥ مانگێنە ۸۹ ژەنی کوشیێنێ

جە کوردستانی وارین بێجگە جە هەورامانی قڕکەردەی ژەنێ جە ئاستێۋی فرە مەتەرسیدارەنە بەردەۋامەن و تەنها جە ٥ مانگۍ ۋیەردێنە ۸۹ ژەنی بە کوشتەی و سۆچنای گیانشان سپاردەن.

جە کوردستانی وارین بێجگە جە هەورامانی قڕکەردەی ژەنێ جە ئاستێۋی فرە مەتەرسیدارەنە بەردەۋامەن و تەنها جە ٥ مانگۍ ۋیەردێنە ۸۹ ژەنی بە کوشتەی و سۆچنای گیانشان سپاردەن.

کوردستانی ۋارین یان پانیشت (باشور)و وڵاتی پەی ژەنێ بییەن بەدۆزەخ و ساڵە دمای ساڵێ تندوتیژی دژ بە ژەنێ جە ئاستێۋی فرە مەتەرسیدار و فراۋانتەرەنە پەرەمەسانۆنە. بەڵام جە هەورامان پێسەو هەر ساڵێ تەری ئەی ساڵیچ  تندوتیژی دژ بە ژەنێ (۰) بییەن.
سەبارەت بەهۆرکێشای تندوتیژی ۋەرانۋەر بە ژەنێ ڕاۋەبەری کۆشایی دژ بە تندوتیژی ژەنێ جە هەرێمو کوردستانی ئامارش دان. جە ئامارەکەنە ئاشکرا کریان: " تەنها جە ٥ مانگۍ ۲۰۱۹یەنە ۸۹ ژەنی بە کوشتەی و سۆچنای گیانشان سپاردەن و ژمارێۋی فرێ ژەنی تەرێ هەوڵ پەی کوشتەی و سۆچنایشان دریان".

ڕاۋەبەریەکە جەی بارەۋە پی جۆرە وردەکاریش دان:

سلێمانییە ٣٣ ژەنێ
هەولێر ٢٤ ژەنێ
دهۆک ١٩ ژەنێ
گەرمیان ١ ژەنی
ڕاپەڕین ٨ ژەنێ
سۆران ٤ ژەنێ بە شێۋازی گوماناوی کوشیێنێ یان بە ئەنقەست سۆچنیێنۍ.

بە بەرئاۋرد چەنی ٥ مانگۍ سەرەتاو ساڵێ ۋیەردێ (۲۰۱۸)، کە ٦۷ حاڵەتێ گیان جەدەستدای ژەنان بییەبێ، جە ٥ مانگۍ سەرەتاو (۲۰۱۹) یەنە ۲۱ حاڵەتێ گیان جەدەستدای ژەنان زیادشان کەردەن. یانی جە ٥ مانگێ ۋیەردێ ئا ساڵێنە:
 ١٨ ژەنێ کوشینۍ
٢٥ ژنێ بانگەشەکریان وێشان کوشتەن
٤٩ ژنێ بانگەشەکریان وێشان سۆچنان
 ٤٥ حاڵەتێ دەستدرێژی جنسی تۆمارێ کریێنۍ.

ڕەوەند سابیر بەرپەرسیار جە دەستگاو یاۋنەری  ڕاۋەبەری گردیی کۆشایی دژ بە تندوژی ژەنێ جە هەرێمو کوردستانی ۋاتەنش: "ڕاۋەبەریەکەشان پەی ئەۋەمدرای دژو تندوتیژیەکەی ژمارە پەیوەندی تەلەفۆنی (۱۱۹)یش نیانەرە تا ئا ژەنێ کە ڕووبەڕوو تندوتیژی مەبانێۋە پەیوەندی بگێرانێ و سکاڵا تۆمار بکەرانە. پنەۋازی هەن سەرجەم ئا ژەنێ ڕووبەڕوو تندوتیژی مەبانێۋە پەیوەندی بە ژمارە (۱۱۹)ی بکەرانێنە تا ڕاچارە پەی کێشە و سکاڵاکانشان بکریۆنە و هامکاری بکریانە و ژیۋایشان بپارێزیۆنە و مافەکێشان مسۆگەرێ بکریانە".