جە برادۆست بۆردومان و جە چەولیک قەدەغە هەن

باڵەپڕە جەنگییەکێ تورکیای برادۆست-شان بۆردومان کەرد و جە چەولیک هامۆشییە جە ۲۳ دەڤەرێ قەدەغە کریا.

ئارۆ سەرسەبای سەعات ۰٥:۰۰، جارێتەر باڵەپڕە جەنگییەکێ ڕژێمو تورکیای چەندین لادەگێ سیدەکانی، بەرزایەکێ لێلیکانی، خواکورک و چەندین دەڤەرێ هەرێمو برادۆستی سەر بە کوردستانی وارین-یشان بۆردومانێ کەردێنێۋە. هاموەخت جە کەشو چیادێلی سەر بە برادۆستی هێزە ئەرەگێرەکێ تورکیای تەقەشان جە هاموڵاتیانو ناوچەکەی کەردەن. تەقەکەردەکەی زیانی گیانیش نەبییەن، بەڵام زیانی ماددییش بە ژیۋگەی و لەۋەرگەی یاونان.

جە لایێ تەرەۋە، جە پارێزگاو چەولیکی سەر بە کوردستانی سەرینی، والی و سپا ئەرەگێرەکەو تورکیا هامۆشییەشان جە ۲۳ دەڤەرێ قەدەغە کەردەن. قەدەغەکە بە بڕیارو ژمارە ١٠٨٧و سەرۆک کۆماری تورکیای فەرمانش پەی دریان و دلێشەنە ٦ دەڤەرێ نزیکێ جە شارو چەولیکی بە "ناوچێ ئەمنیێ تایبەتی" نامێ بریێنێ.
قەدەغەکە جە ئارۆ ٢٥و ئایارو ٢٠١٩ی تاوەکو  ٣١و کانوونو یەکەمو ٢٠١٩ درێژەش هەن