جە برادۆست بە بۆردومان هاموڵاتی مه‌نسوور نافع شەهید بی
باڵەپڕە جەنگیەکێ تورکیای دەڤەرو گۆشین-ی سەر بە برادۆست-یشان بۆردومان کەردەن و جە ئاکامشەنە هاموڵاتی سڤیل مه‌نسوور نافع شەهید بییەن و په‌شێو نافع-ی براش بریندار بییەن.
ئارۆ دمانیمەڕۆ، باڵەپڕە جەنگیەکێ تورکیای دەڤەرو گۆشینی کە سەر بە هەرێمو برادۆست-یەن جە کوردستانی وارین بۆردومان کەردەن. بۆردومانەکە ماشینێۋی مەدەنیش کەردەن ئامانج و جە ئاکامشەنە هاموڵاتی سڤیل مه‌نسوور نافع پیشە پۆلیس کە خاوەن ماشینەکە بییەن شەهید کریان و هاموەخت په‌شێو نافع-ی براش بەسەختی بریندار بییەن و ماشینەکەیچ بە تەمامی دلێنەشیەن.
پەیامکیانەرمان جە برادۆستەۋە ئاشکراش کەرد: "په‌شێو نافع-ی بریندار پەی چارەسەری بریان پەی نەوەشخانەو سیدەکانی و تا ئەی ساتە باڵەپڕێ جەنگیێ و سیخوڕیێ بە ئاسمانەرە سوڕیاۋە و هاموڵاتیێ ناوچەکەی نیگەرانێ بارودۆخەکەیەنێ".
