بڕیارەن شەممەی ئایندە، جە زانشتگاو (کوردستان)و شارو سنەی بنکەو ئاهورای جە بەردەۋامی کار و کۆشاییشی فەرهەنگی، ئەدەبی وڕۆشنۋیریشەنە ۋێرەگانێۋی ئەدەبی فراۋان پەی هۆرسەنگنای، بەرزنرخنای و ڕێزگێرتەی جە هەرمانێ و کۆشاییشی ئەدەبی و فەرهەنگی شاعیر و نۋیسەر ڕەوف مەحموود پووری ڕێکبوزۆنە و دەیان شاعرێ، ڕۆشنۋیرێ و نۋیسەری و مێمانێ شارەکەی و هەورامانی بەشدارێش ببانە.

ڕێکۋزێ ۋێرەگا ئەدەبیەکەی ئاشکراش کەردەن جە چەندین ئەرەنیشتێ و پانێلێ-نە کوشاییش و بەرهەمەکێ ڕەوف مەحموود پووری ئەۋەوانیایشان پەی مەکریۆنە و هۆرمەسەنگنیانە و ڕێز جە مانیای نامبریا مەگێریۆنە
کەسایەتیە بەشدارەکێ بریتیێنێ جە شاعران و نۋیسەرانێ چوون:
_ کلسوومە عوسمانپوور
ــ فەرەیدوون بەهرامی
_سەعدی غەریبی
_عەبباس غەریبی
_جەمال قادرپوور
_حسەین وەفایی
_بێهرووز موحەممەپوور
_ژوانە ڕەحیمی
_مەهوەشە درۆستکار
_ئەحسەن ڕەشیدی
_کەیهان عەزیزی
_فەرشید ڕۆستەمی
_سابێر عەزیزی

هاموەخت موزیسیەن ئەرکان حەیاتی بە چەند پارچە مۆزیکێ و بەرهەمێ هۆنەرێی ۋێرەگا ئەدەبییەکەی ڕەنگین و زەنگین تەر مەکەرۆنە.

کات و ساتو ئەنجامدای ۋێرەگا ئەدەبییەکەی و یاگێ و ئادرەسەکەش:

شەممە-۲۳ کەڵەهەرزو ۱۳۹۸ی ڕۆجیاری
سەعات: ۱٦:۰۰ پەسین (عەسر)ی
زانشتگاو کوردستانی (سنە)_گەورە هاڵەو مەولەوی