ئەنجومەنو گەلی جە وارگەو شەهید ڕۆستەم جوودی مەخمووری سەبارەت بە بۆردومانەکەردەی وارگەکەی کە شەۋێ ۋیەردێ ڕووەش دابێ و شناسنامەو شەهیدەکان بەیاننامەش دان و سەرەڕاو شەمەزارکەردەی بۆردومانەکەی و داۋاکەردەی هەڵۋیستی جە ئێراق و نەتەۋە یۆگێرتەکانی ئاشکراش کەردەن:

شەۋێ ۋیەردێ سەعات ۲۱:۰۰، وارگەکەمان «وارگەو شەهید ڕۆستەم جوودی مەخمووری» جەلاو باڵەپڕە جەنگییەکێ تورکیایەۋە بۆردمان کریا. بۆردومانەکە گەلی سڤیل و پەنابەرش کەرد ئامانج و جە ئاکامشەنە ٤ پەنابەرێ سڤیلێ کە سەرجەمشان ژەنیەنێ و ۳شان ئەندامێ یەک بنەماڵەیەنێ شەهیدێ بیێ.

ئەنجومەنو گەلی جە وارگەو شەهید ڕۆستەم جوودی مەخمووری شناسنامێ هەر ٤ ژەنە شەهیدەکێش پی جۆرە ئاشکرێ کەردێنێ:

ئاسیا عەڵلی محەمەد، تەمەن (٧٣) ساڵانە.

نارنج فەرحان، تەمەن (٢٦)ساڵانە، (کناچێ ئاسیا-یەنە).

ئەڤین کاوە، تەمەن (١٤) ساڵانە، (نەوێ ئاسیا-یەنە).

ئەیلەم محەمەد ئەمیر، تەمەن (٢٣) ساڵانە.

جە بەیاننامەکەنە ئاشکرا کریان: "دمانیمەڕۆی ئارۆ سەعات ۱۳:۰۰، بەمەراسیمی شایستە و شکۆداری جەماۋەری جە وارگەو شەهید ڕوستەم جوودی، هەر ٤ ژنە شەهیدەکێ تەرمەکێشان ئەسپەردێ مەکریانە".