ئارۆ شەممە، ٢٧-٤-٢٠١٩ی، سەعات ۱۰:۰۰ سەرسەبای، جە شارو بەغدادو پایتەختو ئێراقی، بە بەشداری ۱۸ پارتێ و لایەنێ سیاسیێ و مەدەنیێ کوردستانیێ و ئێراقیێ، كۆنگرەو ئەرەمەرزنای ( پێکئاما نەتەوەییەکان پەی ئاۋەڎانکەردەی و دروستکەردەی دەوڵەتی مەدەنی و دیموکراتیکی) ڕێکۋزیا.
کۆنگرە بەدروشمو (کۆبیەو هێزە نیشتمانی و مەدەنیەکان گرەنتی ڕاسەقینەن پەی بونیادنیای دەوڵەتی مەدەنی و دیموکراتیکی جە ئێراق) بەسیا و ئامانجەکەش دروستکەردەو دەوڵەتێۋی مەدەنی و دیموکراتییەن کە دلێشەنە مافەکێ سەرجەم پێکئاماکێ گلێرگەی جە ئێراقەنە مسۆگەرێ بکریانە.

ڕێکۋزێ کۆنگرەو ئەرەمەرزنای ( پێکئاما نەتەوەییەکان پەی ئاۋەڎانکەردەی و دروستکەردەی دەوڵەتی مەدەنی و دیموکراتیکی) ئاشکراشان کەردەن: "کۆنگرەکە چەندین ڕووێ بەردەۋام ببۆنە و دلێشەنە جەخت جە قبوڵکەردەی هەنتری و مسۆگەرکەردەی مافێ سەرجەم پێکئامایەکان جە ئێراق مەکریۆۋە". 

یاگێ بەیادئاۋردەیەنە، جە ئێراقەنە چەندین نەتەوێ و ئتنیکی جیا جیێ هەنێ چوون: کورد، عەرەب، تورکومان، ئاسوری سریانی کلدنی، ئەرمەنی و چەندین ئایینێ و ئایینێزێ چوون، ئیسلام (شیعە و سونە) خرستیانی (کاتۆلیک و ئەرتۆدۆکس)، ئێزیدی، سائبە و یارسان (کاکەیی، ئەهلی حەق، هاواری، عەلەوی).