ئینسیاتیفو ڕۆچنامەوانێ ئازادێ (OGÎ) جە تورکیا، بە بۆنەو ڕۆو جیهانی ئازادی ڕۆچنامەوانی ۋەڵاکریاش دان و دلێشەنە ئاماژەش بە خرابی ئازادی ڕۆچناۋانی و یاۋنەری جە تورکیا دان.
ئینسیاتیفەکە ئاشکراش کەردەن: "تورکیا جە ڕیزبەندی جیهانی پەی (یاۋنەری، چاپەمەنی، ڕۆچنامەوانی و فکری ئازاد) جە دلێ ۱۸۰ وڵاتانە جە دمای دماۋە یاگێش گێرتێنە و ۱٥۷مین وڵاتەن. بە گردی جە تورکیا ئازادی ڕۆچنامەوانی نەمەن و وڵات بییەن بە زیندانێ گەورە پەی ڕۆچنامەوانان و بە جۆرێ کە ۱٦٦ ڕۆچناوانێ جە ئیسەنە ئینێ زیندانەکانەو دەیان دەستگایێ یاۋنەریێ و چاپەمەنیێ ۋزیێنێرە و بەسیێنێ".

ئینسیاتیفو ڕۆچنامەوانێ ئازادێ (OGÎ) جە تورکیا ئاماژەش پانەیە دان: "سەرەڕاو فشار و زۆرداری و هەڕەشێ فرەێ، ڕۆچنامەوانێ ئازێ و دلێرێ هەنێ کە هەوڵ و کۆشش پەی ئازادی ڕۆچنامەوانی مەکەرانە و تەسلیمێ زۆردای نەبیێنێ. پەوکەی ئنسیاتیفەکەمان (OGÎ) پەشتیۋانێ و هامکارێ ڕۆچنامەوانەکانمێ و فرە ڕەنگی تورکیای چوون دەوڵەمەندی مەۋینمێنە کە ڕا دیموکراتیی ڕۆشنە مەکەرۆۋە".

ئینسیاتیفو ڕۆچنامەوانێ ئازادێ (OGÎ) جە تورکیا ە ۋەڵاکریاکەشەنە سەرەڕاو پیرۆزباییکەردەی جە ڕۆو جیهانی ئازادی ڕۆچنامەوانی، پاشێلکاری ڕۆچنامەوانی چوار مانگێ ۋیەردەیش جە تورکیا  ئاشکرا کەردە کە پی جۆرەنە:

١٥ ڕۆچنامەوانێ دەستگیرێ کریێنێ

۸ زۆچنامەۋانێ زیندانیێ کریێنێ

٢ ڕۆچنامەوانێ ڕووبەروو پەیجوری ۋنەپەرسای کریێنێۋە

۷ ڕۆچنامەوانێ دۆسیەشان پەی کریانەۋە

٢١٩ ڕۆچنامەوانێ دادگایی کرێنێ

٢٦ ڕۆچنامەوانێ سزای دارایی و زیندانشان پەی بڕیانەۋە

 ۱ ڕۆچنامەوان سنوربەدەر کریان