جە تورکیا دەسەڵاتداری ئاکەپە و ئەردۆغانی بییەن بە بەڵا پەی ژەنا و سات بە سات ئامارو تونڎوتیژی دژ بە ژەنێ و زارۆڵان زیاتەر مەبۆنە و تورکیا بییەن بە یۆ جە تەرسناکتەرین وڵاتەکان پەی ژەنێ وزاروڵان. جە مسەردەمو ئەردۆغان و پارتەکەیش ئاکەپە-یەنە تونڎوتیژیەکە دەیان قاتێ زیاتەر بییەن و یاساکێ تورکیای دژ بە تونڎوتیژی بە شێۋازی فرە نەرێنی هەموارێ کریێنێۋە و بیێنێ هاندەرێ پەی ئا کەسا کە تونڎوتیژی ئەنجام مڎانێ و جە سزایی یاسایی ڕزگارێشان مەرکەرۆنە.

سەبارەت بە ئامارو تونڎوتیژی دژ بە ژەنێ و زارۆڵان جە تورکیانە (پلاتفۆمو ئێمە تونڎوتیژی بمدرنمێنە) ئاشکراش کەردەن:

جە تشرینی دووەمەنە ۳۹ ژەنی کوشیێنێ

جە ۱۱ مانگێنە (۲۰۱۹) ٤۳۰ ژەنێ کوشیێنێ

کوشتەی ژەنەکان بە ڕوودایێ و مەردەی گوماناۋیێ تۆمارێ کریێنێ و کەس سەرشان دەستگیر و دادگایی نەکریان

جە تشرینی دووەمەنە ۳ زارۆڵێ کوشیێنێ

دەیان هەزار ژەنی تونڎوتیژی ۋەرانۋەرشان کریان

سەڎان زارۆڵی تونڎوتیژی ۋەرانۋەرشان کریان

هەمان پلاتفۆرمەکە ئامارو تونڎوتیژی جە ۲۰۱٦، ۲۰۱۷و ۲۰۱۸نە جە تورکیا پەی تەورە ۋەڵاوکەردەنەۋە:

جە ٢٠١٦نە  ٣٢٨ ژنی کوشیێنێ

جە ٢٠١٧نە ٤٠٩ ژنی کوشیێنێ

جە ٢٠١٨نە ٤٤٠ ژنی کوشیێنێ