کۆمەڵەو مافو مرۆڤو کوردستانی ئاشکراش کەرد: "ڕۆو ۳ شەممەی، جە بەرزایی تەتە-و هەورامانی تەرمێ ۲ برایان بە نامەکانو (ئازاد و فەرهاد خەسرەوی) کە پیشەشان کۆڵبەری بییەن ئیزیێنێوە. ئازاد و فەرهاد تەمەنشان ۱۳ ساڵان و ۲۲ ساڵان بییەن و ئەرەنیشتێ دەگاو نێ بیێنێ و دمای ئانەیە جە تەتە ڕا وڵاونانێ، بەهۆو یەخبەنڎانی و جە سەردایەنە گیانشان جەدەست مەڎانێ.

کۆمەڵەکە دەستنیشان کەردەن: "جە سەرتاو ۲۰۱۹ی تا بە ئارۆ، جە وەرهۆرز (ڕۆژهەڵات)و کوردستانی ۱۲۷ کۆڵبەرێ بەتەقەو هێزە ئەمنیەکانو ئێرانی کوشیێنێ و ٦۷ کۆڵبەرێتەرێ بە ڕوودایێ و ڤییەرێ جۆراوجۆرێ گیانشان جەدەستدان و دەیان کۆڵبەرێ تەرێ بریندارێ بیێنێ".