جە کەشو جودی، کە مەگنۆنە قوڵایی خاکو پارێزگەو شرناخی سەر بە سەرنیشتو کوردستانی، سەرسەبای ئارۆی سپا داگیرکەرەکەو تورکیا بە پشتیۋانی هەلیکۆپتەرێ جەنگیێ ئۆپەراسیۆنی سەربازیش دەست پنەکەردەن.
سپا بە هەلیکۆپتەرێ سکۆرسکیێ سەربازێش جە کەشەکەنە ۋەزنێنێرە و پەیا پەیتا بە هەلکۆپتەرێ جەنگیێ کەشەکەش بۆردومان کەردەن. تا ئیسە دیار نییەن جە ئۆپەراسیۆنەکەنە جەنگ چەنی گەریلای قۆمیان یان نا؟ 

کەشو جودی، کە سەر بە پارێزگەو شرناخ-یەن، جە دمای دەست پنەکەردەی خەباتو چەکداری پەکەکەی جە ۱۹۸٤ و تا ئارۆچ هەمیشە پایگاییێ سەرەکی گەریلاکانو پەکەکەی بییەن و زیاتەر جە ۳۰ ساڵێن سپاو تورکیای هەر چنڎ مانگێ جارێ ئۆپەراسیۆنی سەربازی گەورە پەی کۆنترۆڵ-کەردەیش ئەنجام مڎۆنە، بەڵام تا ئیسە سەرکەوتە نەبییەن و گەریلای شکست دان.