جە دێرزوور شەڕڤانێ ٨ تێرۆریستێ-شان ده‌ستگیرێ کەردێ
شەڕڤانێ یه‌په‌گه و یەپەژە و قەسەدەی جە هەڵمەتێ تایبەتەنە جە دێرزوور ٨ تێرۆریستێ خەڵکو"ئه‌مه‌ریكا، ڕووسیا، ئۆكرانیا، ئه‌ڵمانیا، كازاخستان، تاجیكستان و ئۆزبه‌كستان"یشان دەستگیرێ کەردێ.
یەکێنەکێ پارێزنای گەلی-(یه‌په‌گه) و یەکینەکێ پارێزنای ژەنێ (یه‌پەژە) و هێزه‌كی سووریای دیموكراتیکی (قه‌سه‌ده)ی، جە شارچەو هەجینی سەر بە دێرزووری جە وەرهۆرزو فوڕاتی بەردەۋامێنێ جە پاکسازی داعشی و کۆتایی ئاۋردەی بە تەرۆری و شەڕڤانەکێشان جە هەڵمەتێ تایبەتەنە ٨ تێرۆریستێ بیانیێ-شان ده‌ستگیرێ کەردێ.
جەی بارەۋە یەکێنەکێ پارێزنای گەلی-(یه‌په‌گه) ۋەڵاکریای لەشکریش دان و ئاشکراش کەردەن:
جە پارێزگەو دێرزووری جە وەرهۆرزو ڕۋارو فوڕاتی، چەتەکێ داعشی جە ڕووبەرێ فرە ۋەرتەسکەنە دۆرپێچێ کریێنێ و گیرشان واردەن و ڕاو دەربازبییەشان نییەنە و پەی پارێزنای وێشان خەڵکی مەدەنی مەکەران سپەر. جە ۋەرانۋەرەنە شەڕڤانەکێ یەپەگە، یەپەژە و قەسەدەی هێرش دژشان ئەنجام مڎانە و ڕۆچانە گورزێ قورسێشان ۋنە مڎانە و مەدەنیەکان جە دەستشان ڕزگار مەکەرانە.
جەی چوارچێۋەنە تاقمێ چەتێ بیانیێ کە نیازشان بییەن مەدەنیەکان بکەرانە ئامانج، بەوردی چەمداری کریێنێ و دەرەنجام جە هەڵمەتێ تایبەتە و جۆریەنە دەستگیرێ کریێنێ. تاقمەکە ۸ چەتێ خەڵکو "ئه‌مه‌ریكیا، ڕووسیا، ئۆكرانیا، ئه‌ڵمانیا، كازاخستان، تاجیكستان و ئۆزبه‌كستان"ی بیێنێ و شناسنامەکێشان پی شێۋەنە:
- عادل ڕه‌حمۆڤ (ئه‌بوو ئه‌مینه ئۆزباكی)، ٥٨ ساڵێ، ئۆزباكستان
- فه‌رهاد قادرۆڤ (ئه‌بوو بیلال ئۆزباكی)، ٢٨ ساڵێ، ئۆزباكستان
- محه‌مه‌د ده‌وله‌ت (ئه‌بوو موسعه‌ب تاجیكی)، ٢٢ ساڵێ، تاجیكستان
- ئاسكار زارمانبه‌تۆڤ (ئه‌بوو داود نووخا)، ٢٧ ساڵێ، ئۆكراینا
- ساتیبه‌ك ئۆشیبائه‌ڤ (ئه‌بوو ڕووقایا)، ٣٠ ساڵێ، كازاخستان
- بیمورزائه‌ڤ بیگان (ئه‌بوو سارا)، ٣٠ ساڵێ، ڕووسیا
- سولای نوه سو (ئه‌بوو سلێمان ئه‌مه‌ریكی)، ١٦ ساڵێ، ئه‌مه‌ریكا
- لوكاس گلاس (ئه‌بوو ئیبراهیم ئه‌ڵمانی)، ٣١ ساڵێ، ئه‌ڵمانیا
