هەفتەی ئایندە جە سلێمانییە بە سەرپەرشتی ڕاۊەبەری گردیی ڕۆشنۋیری سلێمانیێ و بە بەشداری زیاتەر جە ٥٠ هونەرمەندێ کوردێ پەی پەشتیۋانیکەردەی جە ڕۆژاڤاو کوردستانی و مدرامانو شەڕڤانەکانش و گەلەکەیش کۆنسێرت مەسازیۆنە.
جەی بارەۋە هونەرمەندە نەوژین موحەمەد بە (ژۆژنیوز)یش ۋاتەن: "کۆنسێرتەکە پەی پەشتیۋانیکەردەی هەڤاڵەکانمانە جە ڕۆژاڤا و جەی بارودۆخەنە هونەرمندێ بەدەنگ، موزیک و سۆزشان مەتاوانێ ببانە بە پەشتیۋانێ گەلەکەیشان، سازکەردەی ئەی کۆنسێرتەیە ئەرکێۋی ئەخلاقی و نەتەوەییمانە".

نەوژینە ئاشکراش کەرد: " کۆنسێرتەکەشان هەفتەی ئایندە بە شێۋازی ئەۋەکریا ئەنجام مڎریۆنە، بەڵام هیچ ڕووێۋ پەی سازکەردەیش دیاری نەکریان و دماتەر دیاری و ئاشکرا مەکریۆنە و هەر کەس و لایێ حەز بکەرۆنە مەتاونە بەشدارش ببۆنە".

جە ئیسەنە هونەرمەندەکێ سەرقاڵێ وێئامادەکەردەی و پەڕاۋەیەنێ تا بەشێۋازی هەماهەنگ و شایستە کۆنسێرتەکەیشان پەی ڕۆژاڤاو کوردستانی ئەنجام بڎانە.