هیزی ۱ شەممە، جە شارو سلێمانیێ سەر بە هەرێم-و کوردستانی، شاسوار عه‌بدولواحید سه‌رۆكو ژڵێۋیایی"نه‌وه‌ی نوێ"ی بە بڕیارو دادگای دەستگیر کریابێ و ئانێچە ناڕەزایی لایەنگرێ و ئەندامێ ژڵێۋیاکەیش شۆنیەرە ئامابێ. جەی چوارچێۋەنە ئارۆچ جە ۋردەمو دادگەو سلێمانیێنە لایەنگرێ و ئەندامێ و ۋەرپرسیارێ نەوەی نوێی کۆبییەی ناڕەزایەتیشان ئەنجامدا، بەڵام هێز ئەمنیەکێ سەر بە یەکێتی نیشتمانی کوردستانی سەرجەمشان دەستگیرێ کەردێ. هاموەخت چنڎ ڕۆچنامەۋانێ "ئێن ئاڕ تی" تیڤی کە سەر بە شاسوار عەبدولواحید-یەن و ڕووماڵ-و کۆبییەکەیشان کەردەن دەستگیرێ کریێنێ.

جەی بارەۋە ئێن ئاڕ تی ۋەڵاشکەردەۋە: "ئارام سەعید ۋەرپرسیارو پەیوەندیەکان، ڕێبوار ئەوڕەحمان وەرپرسیارو میدیای، ۸۰ وێبەخشێ نەوەی نوێی و تیمو تەلەفزیۆنەکەیشان کە سەرقاڵێ ڕووماڵی بیێنێ دەستگیرێ کریێنێ".

پەیوەست بە بابەتەکەی، مستەفا حسێن پارێزەرو شاسوار عەبدولواحیدی بە میدیاکێ باشوریش ۋاتەن: "دادوەر بەپاو یاسای بڕیاش دان شاسوار عەبدولواحید ئازاد بکریۆنە. ئێسە پەی ئانەیە ئازاد بکریۆنە سەرقاڵێ ڕاکارە یاسایەکانێ".