شەۋێ ۋیەردێ، جە شارو سەقزی سەر بە وەرهۆرز (ڕۆژهەڵات)و کوردستانی جە چەنڎین کەپسولی گازی تەقێنێۋە و مەرگەساتش شۆنیەرە ئومان.
سەرچەمەکێ هەۋاڵی جە شارەکەۋە ئاشکراشان کەردەن: "بە تەقای گازەکەی ۱۱ کەسێ گیانشان جەدەستدان کە ٥شان زارۆڵێنێ، ٥شان ژەنیەنێ و یۆشان پیان. هامکات ۳٤ کەسێ تەرێ بریندارێ بیێنێ کە بریێنێ فرێۋیشان سەختێنێ و پەی چارەسەری بریێنێ نەوەشگەکێ سەقز و سنەی".

تەقای کەبسولە گازەکان سەروەختێۋەنە بییەن کە خەڵکێۋی فرە جە هۆڵو زەماوەنڎو مانگە شەۋێ سەرقاڵێ زەماوەنڎو هامسەرگیری و شاڎی بیێنێ و جە ئاکامەنە هۆڵەکە کە سیستەمی ئاساییشیش تۆکمەش نەبییەن گڕش گێرتەن و مەرگەساتەکەش ۋنە کەفتەنەۋە.

یاگێ ۋیرۋستەیەن جە سەرەتاو ۲۰۱۹یەنە، جە ئاۋایی گەردیگلانی کە سەر بە سەقز-یەنە، بە ئەۋەتەقای گازی ۷ کەسێ تەرێ گیانشان جەدەست دابێ.