هێزه‌كێ ڕزگاریی عه‌فرینی (HRE) ئاشکراش کەرد: "جە عه‌فرین و شێراوا شەڕڤانەکێشان زنجیرە چالاکیێشان دژ بە هێزە ئەرەگێرەکێ تورکیای و تاقمە چەتە بەکرێگیریاکێ ئەنجامێ دێنێ و جە ئاکامشانە ١٤ سه‌ربازێ و چه‌تێ توركیای کوشیێنۍ".
هێزه‌كێ ڕزگاریی عه‌فرینی (HRE) سەبارەت بە زنجیرە چالاکیێ کە شەڕڤانەکێشان جە عەفرین و شێراوا دژ بە هێزە ئەرەگێرەکێ تورکیای و تاقمە چەتە بەکرێگیریاکێش ئەنجامێشان دێنێ، ۋەڵاکریای لەشکریش دان و جە میانشەنە ئاشکراش کەردەن: "جە دووێ ڕووێ ۋیەردێنە جە عەفرین و شێراوا شەڕڤانەکێمان جە بەردەۋامی مدرامانی دژ بە ئەرەگێرتەی، زنجیرە چالاکیێشان دژ بە هێزە ئەرەگێرەکێ تورکیای و تاقمە چەتە بەکرێگیریاکێش ئەنجامێ دێنێ و جە ئاکامشانە گورزی فرە قورسی گیانی و ماددی جە دوژمنی دریان".
تەمامی ۋەڵاکریاکەی:
"جە ٢٦ حوزه‌یرانی، جە میانو جادەو عه‌فرین - دەگاو باسووتێ-ی سه‌ر به ناوچه شێراوا-ی، شەڕڤانەکێمان بۆسەشان پەی کارۋانێۋی سەربازی تورکیای نیانەرە و کارۋانەکە بە قورسی دریانش ۋنە و جە ئەنجامشەنە ۱ سەرباز کوشیان و ۷ سەربازێ بە سەختی زامدارێ بیێنۍ".
"جە ٢٧و حوزه‌یرانی، جە دەگاو كه‌باشین-ی سەر بە ناوچه‌و شێراوای، بەرزایی دەگاکێ کە چەتەکێ تورکیای بارەگاشان چەنە ۋستەن و بنکێۋی سیخوڕی تورکیای جە دەگاکێنە کریێنێ ئامانج و جە ئاکامشەنە جەنگ ڕووەش دان و شەڕڤانەکێمان گورزی قورشان جە دوژمنی دان. ئانڎە زانیان جە چالاکیی و جەنگەکەنە ٤ چەتێ کوشیێنۍ و ۱ چەتە زامدار بییەن. هاموەخت چەندین سەربازێ تورکیای کوشیێنۍ و بریندارێ بیێنۍ بەڵام ژمارەشان نەزانیان. دمای چالاکییەکەی جە دەگاکێ و دەوروبەرشەنە سپا ئەرەگێرەکەو تورکیای و تاقمە چەتەکێش ئۆپەراسیۆنی سەربازیشان ئەنجام دان. شەڕڤانەکێمان جە ئۆپەراسیۆنکارەکانشان دان و ئانێچە کوشیای ٥ چەتێ و زامدار بییەی ۲ چەتێ دوژمنیش شۆنیەرە ئومان. هاموەخت شەڕڤانێمان بە سوکی زامدار بییەن".
"جە ٢٧و حوزه‌یرانی، جە گەڕەکو ترندێی دلێ شارو عەفرین-یەنە، شەڕڤانەکێمان دژ بە چەتەکێ بەنام (پۆلیسی سه‌ربازی) چالاکیشان ئەنجام دان و بەهۆشەۋە ۱ چەتە کوشیان و یۆی تەر زامدار بییەن".
"بە گردیی جە سەرجەم زنجیرە چالاکییەکانە جە عه‌فرین و شێراوا ١٤ سه‌ربازێ و چه‌تێ ئەرەگێرێ توركیای کوشیێنۍ و ژمارێۋی فرێ زامدارێ بیێنۍ"
