جە عەفرن ٥ چەتێ تورکیای کوشیێ

جە عەفرینی داگیرکریا جە زنجیرە چالاکیێ هێزەکێ ڕزگاری عەفرین-یەنە ٥ چەتێ تورکیای کوشیێ.

جەی بارەۋە هێزەکێ ڕزگاری عەفرینی ۋەڵاکریای لەشکریش دان و ئاشکراش کەردەن: 

جە ۲۰۱۹/۰۱/۱٥ی، جە گەڕەکەو مەحمودییەی دلێ شارو عەفرین-یەنە، شەڕڤانەکێمان دژو ماشینێ سەر بە چەتەکێ فرقەت ئەلحەمزەی چالاکیشان ئەنجام دان و جە ئاکامشەنە ۱ چەتە کوشیان و ۳ چەتێ تەرێ بریندارێ بینێ.

 

جە ۲۰۱۹/۰۱/۱٦ی، جە دەگاو باسوفانی سەر بە شارچەو شێراۋای، دژ بە کاروانێۋ ماشینێ سەر بە چەتەکێ فرقەت ئەلحەمزەی و فرقەت ۳۳ی، شەڕڤانەکێمان چالاکیشان ئەنجام دان. جە چالاکییەکەنە ۳ چەتێ کوشیێنێ کە نامێ یۆ جە کوشیایەکان ئه‌حمه‌د راغب چه‌لۆ-ن.

هەر جە ۲۰۱۹/۰۱/۱٦ی، بەڵام جە دەگاو مالکییەی سەر بە شارچەو شەرای، بە چەکی نیشانەگێر (قەناس) چەتێۋی سەر بە جەبهەت ئەلشامییەی کریان ئامانج و دەرنجامشەنە کوشیان.