سەرسەبای ئارۆی، دلێ شارو عەفرین-یەنە تەقایێ گەورە ڕووەش دا. زانیان، تەقایەکە تاقمە چەتەکێ ئەحرار ئەلشەرقییەی سەر بە تورکیایش کەردەن ئامانج. سەرچەمەکێ هەۋاڵی جە عەفرن ئاشکراشان کەردەن: "جە تەقایەکەنە کە نزیک بییەن جە بنکێۋی سەربازی چەتەکان، ٥ چەتێ ئەحرا ئەلشەرقییەی کوشیێنێ و ژمارێۋی تەرێ بریندارێ بینێ".

ڕۆو ۱ شەممەی ۋیردەی، هەر جە عەفرین جە ۱مین ساڵیادو داگیرکەردەیشەنە، جە مێڎانو کاوەی ئاسەنگەری، مێڎانو وەتەنی و پردەو میانو عەفرینی و عەفرینی نوی، زنجێرێ تەقایێ گەورێ ڕووەشان دێبێنێ و جە ئاکامشانە ژمارێۋی فرێ چەتێ تورکیای کوشیێ و بریندارێ بیێ. سەرجەم تەقایەکێ هێزەکێ ڕزگاری عەفرینی جە ئەستۆ گێرتێبێنێ.