جە ناوچەو فارقینی سەر بە پارێزگەو ئامەدی جە سەرنیشتو کوردستانی، پۆلیسێ ڕژێمو تورکیای هۆرشانکۋان سەرو یانا هاموڵاتیانی و ۳ کەسێ بە بە نامەکێ "بیلال ئەرەنفیک، عوسمان و ئامەد ئەزەر"ی دەستگیرێ کرەردێنێ و بەردێنێشان ڕاۋەبەری پۆلیسی جە فارقین.

تا ئیستە پۆلیس هۆکارو دەستگیرکەردەی ۳ کەسەکەیش ئاشکرا نەکەردەن، بەڵام ئاشکران جە تورکیانە هەر کەس و لایێ ڕەخنە جە دەسەڵاتداری ئاکەپەی و ئەردۆغانی بگێرۆنە یان دژش بمدرۆۋ، دەسگیرکەردەی و زیندان چارەنۋیسشەن.