جە موسڵ جە هێرشی وێکوشیەنە ۱۲ کەسێ بیێ قوربانیێ ۋنەکەوتێۋە
جە موسڵ هێرشی وێکوشی ئەنجام دریا و جە ئاکامشەنە ۲ کەسێ کوشیێ و ۱۰کەسێ بریندارێ بیێ.
شەۋێ ۋیەردێ جە دلێڕاسی شارو موسڵ-یەنە، بەهێرشێ وێکوشی چاشتخانەو موسەنای و دەوروبەریش کریا ئامانج..
جەی بارەۋە تۆڕو هەواڵیی جەنگیی ئێراقیی ئاشکراش کەردەن: "ماشینێۋی (كیو كیۆ) کە وێکوشێوش دلێنە بییەن تەقنیانەۋە و جە ئاکامشەنە سەرەڕاو شۆفێرە وێکوشەکەیش، ۱ ژەنی، ۱ پۆلیس کوشیێنێ و ۱۰ کەسیێ تەرێ بریندارێ بیێنێ".
هاموەخت کەردە وێکوشیەکە زیانی فرەی ماددیش بە چاشتخانەکەی و باڵەخانێ دروبەری و چندین ماشینێ هاموڵاتیان یاونان.
موسڵ جە دمای ئازادکەردەیش جە داعشی تاڕاێۋە ئارام و سەقامگیر بییەن و کەردە تەرۆرستیەکێ کۆتاییشان پنە ئامابێ، بەڵام هەمیشە نیگەرانیێ بیێنێ کە جارێ تەر کەردە تەرۆرستیەکێ سەرهۆربڎاۋە، چونکە باس جە ژمارێۋی فرێ جە شانە نهێنیەکێ داعشی مەکریۆنە کە هیشتا شارەکەنە مەنێنێ و دەستگیرێ نەکریێنێ.
