ئارۆ ٤ شەممە جە شارو مەریۋانی، جە سەرو مەزارەکەیش ساڵیادو نۋیسەری نامی هەورامانی "موحەمەد مستەفازادە"ی کریاۋە.
جە ساڵیادەکەنە، کە کەسوکارو کۆچکەردەی و ئەندامانو ۋیرچەمەو هورامانی ئامادێ بێنێ، سەرەڕاو دووبارە سەرەوەشی جە خانەوادەو کۆچکەردەی، باس سەرو ئەندیشەو مستەفازادەی و کاریگەریش سەرو زۋان و کلتوری هەورامی کریا و بە بایەخەۋە کارێ و کەردێ کۆچکەردەی هۆرسەنگیێ.

هەرپاسە بەڵێن دریا درێژە بە ڕاگە و ئەندێشەو مستەفازادە بدریۆنە و زیاتەر جە جارانی گرنگی بە زۋان، ئەدەب و فەرهەنگ و هەورامی و هەورامانی بدریۆنە، کە خەت و ئامانجی فکری مسەفازادیەن و ڕاگەکێش ڕۆشن مازۆۋە.