جە هەفتانین ۱٦ سەربازێ تورکیای کوشیێ

جە هەفتانین گەریلا چالاکیش دژ بە هێزە ئەرەگێرەکێ تورکیای ئەنجام داۋە و جە ئاکامشەنە ۱٦ سەربازێ کوشیێ.

میانگەو یاۋنەری و چەپەمەنی هێزەکانو پارێزنای گەل (هەپەگە)ی سەبارەت بە چالاکی گەریلاکانشان و ژەنە گەریلاکێ یەژاستار-ی کە جە هەفتانین دژ بە هێزە ئەرەگێرەکانو تورکیای ئەنجامشان دان، ئەرەیاۋنایێۋش دان.

هەپەگە جە ئەرەیاۋنایەکەشەنە ئاشکراش کەردەن: "جە بەردەۋامی جەنگو هەفتانین-یەنە، ئارۆ دووە شەممە سەعات ۰۱:٤۰ دەیەقێ سەرسەبای، جە بەرزایی کۆنفڕانسی گەریلاکێ یەکیەنەکێ ژەنێ ئازادێ (یەژاستار)ی و گەریلاکێمان (هەپەگە) دژ بە هێزە ئەرەگێرەکانو سپاو تورکیای چالاکیشان ئەنجام دان. گەریلاکێ جە چوار قۆڵێۋە یورشان بەردەن سەرو بنکێ و بارەگا سەربازیەکێ دوژمنی و جە ئاکامشەنە گورزی فرە قورسشان ۋنە دریان و ئانڎە کە ڕۆشن بییەنەۋە ۱٦ سەربازێ کوشیێنێ و ژمارێۋی تەرێ بریندارێ بیێنێ، هامکات ۱ زرێپۆش و ۱ بێڵەی میکانیکییە (حەفارە) بە تەمامی دلێنەبریێنێ".

هەپەگە دەستنیشانش کەردەن: "جە چالاکیەکەنە گەریلاکێشان بێزیانێ بیێنێ و بە سڵامەتی گێڵێنێۋە بارەگاکانشان".