جە دەگاو دەوان-ی سەر بە شارچەو باینگانی سەر بە شارستان (قەزا)و پاۋەی، زاروڵێۋ بە نامێ "ئەرستۆ ڕەسوڵی" کە چنڎین ساڵێن تووشو نەوەشی (شێرپەنجەو مەژگی)بییەن و جە ئیسەنە گەرەکەن بە خێرایی نەشتەرگەری (پەیوەندو مەژگە پێشە)یش پەی بکریۆنە، ئەگینا ژیۋایش مەگنۆنە مەتەرسی. پەی ئەنجامدای نەشتەرگەریەکەی خانەوەدەکەش پنەۋازیش بە سەدان ملیۆن تومانێ بێنە، بەڵام ئابڕە زەڕەشان نەبێ و ئانێچە ژیۋای ئەرستۆیش ۋستەبێ مەتەرسی. 

دمابەدمای ۋەڵابییەی هەۋاڵەکەی جە تۆڕە کۆمەڵایەتیەکانە بەتایبەتی جە تەلەگرام، جە هەورامانات هەڵمەتێ فراوانە پەی کۆکەردی بڕە زەڕەکەی دەستش پنە کریا. دەرنجام جە دمای یەک هەفتەی جە هەڵمەتەکێنە ۳۰۱ ملیۆن تومانێ کۆ کرایاۋە و پی جۆرە بڕیارەن بەزوویی ئەرستۆ نەشتەرگەریەکەش پەی ئەنجام بدریۆنە و جە نەوەشیەکەی ڕزگارش ببۆنە.