جە هەڵەبجە کۆنیشتێ پەی ڕازوانی هەورامی ڕێکۋزیا

جە هەڵەبجە پەی ئەشناسای و بەخشای پەڕتووکو (رازوانی هورامی) جە نویستەی دکتوٙرناجح گوڵپی کۆنیشتێ ئەنجام دریا و کۆمەڵێ ڕۆشنۋیرێ و هاموڵاتیێ ئامادێش بیێ.

ئارۆ ٥شەممە ۲۰۱۹/۰۱/۱۰ سەعات ۱٥:۰۰و دمانیمەڕۆی، جە شارو هەڵەبجەی بە سەرپەرشتی یانەو سیاوچەمانەی، کۆنیشتێێ پەی ئەشناسای و بەخشای پەڕتووکو (رازوانی هورامی)، کە جە نویستەی و ئامادەکەردەی دکتوٙر ناجح گوڵپی-ن و ساڵەو ۲۰۱۸ی چاپ کریان، ئەنجام درا. جە کۆنیشتەکەنە کۆمەڵی کەسایەتیێ ڕوٙشنۋیرێ و هاموڵاتیێ هەورامانی و هەڵەبجەی ئامادێ بیێ.

جە بنەڕاوە جە لایەنو ڕاوەبەرو کۆنیشتەکەی ”سەرکاو هەورامی” خیٛرئامای میمانەکان کریا. دماو ئاڎی دکتۆر ناجح گوڵپی قسێش کەردێ و کتێبەکەش ئەشناسنا بە بەشداربییەکان و بەرویرو نویستەی ئی کتیبیە پەی ئامادە بیا شی کەردەۋە و  چەنی ئی ویرە پەیڎا بی پەی نوستەی کتیٛبو ڕازوانی. هەرپاسە گرنگی رازوانیش پەی ئەوەژیونای زوانی هەورامی باسکەرد  شونەو ئانەیچەرە واتش مەشوٙ ئی زوانە دەوڵەمەندە ژیویوەو جە فوٙتیای پارێزنمیٛش، چون ویەردە زوانی هەورامی فرە ورچەدارو درەوشیاوەن، چی مەشوٙ ئیسە تاریکیۆرە، وەختەکارێوەنە چیلاو چەولاوە سەرشاکەردەنە زوانو فەرهەنگما بەراش پەی ویٛشاو بە جۆرێ تەر باسشکەرا، بە هنو ویشا مڎاش قەڵەم،  زوانی هەورامی هنو گەلو هەورامانینو پەی کەسی نیا وەرو پەرژەوەندی کەسیی ویٛش کەلتورەکەیش هەرزاورەش بکەروٙنە بە لایڎەی.

چێگەنە باسو لابالینی و گوشنەدای هەورامیەکاش وست وەرو باسی، واتش ئەگەر هەورامیەکیٛ بەزوانو ویٛشا بنویساو واناوە و قسیٛ بکەرانە ئانە زوانەکەشا نمەفوتیو تروقی مکەروٙ، وەلێ چەپەوانەکەیچش ڕاسەن.

جە دریٛژەو قسەو باسکەینە واتش بە پاو یاسوا زوانی عیراقی فیدراڵە زوانەکیٛ گرد مافیوەشا هەن، بەندو دەی ماچو ( گرد هاموەڵاتیوە عیراقی و بیگانەیچ پەیش هەن زوانی ئەڎایی فیٛر بوٙنە، دەوڵەت مەشوٙ گرد پەنەوازێوەش وزوٙ وەرودەسی) بەندو چواردەیچ ماچوٙ (“هەرێم” یام پاریزگا دەسەڵاتی ڕەهاش دریان پەنە پەی سەلەمنای و جاگیرکەردەو زوانێوە جە سنورو دەسەڵاتیشەنە کەفرەتەرین خەڵکو ناوچەکەی قسیٛش پەنەکەران).

کۆنیشتەکە بە پەرسو داواچو ئامادەبیا ئاننەی تەر شەوق کەیفش  بەخشا بە بەشدارا، دما جارییچ کتیبەکە کڕەنویس کریاو بەخشیا سەرو ئامادەبیارە.