فەرماندەیی بڕیارگەو ناوەندی پارێزنای گەلی- نەپەگە، جە ئەرەیاونیایێوەنە ئاشکراش کەرد: "وەحدەدین کارای ئەشناسیا بە عەگید جڤیان، فەرماندەو کۆنسەو هێزەکێ پارێزنای گەلی - هەپەگە و فەرماندەوە گەریلای جە هەرێمو بۆتان-ی کە یۆ بێ جە فەرماندە ڕزگاریکەرکانو شەنگالی و ئێزیدیەکان، چەنی ٢ گەریلایێ یاوەرێش بەنامەکێ، تەکین یڵدرم ئەشناسیا بە جانفیدا گۆیی و خەلیل کاڤۆس ئەشناسیا بە هەبوون گرێسپی، ١١و ئەیلولو ئێسالی جە ناوچەو شاخێی وان-ی سەر بە سەرنیشتو کوردستانی شەهیدێ بیێن".

فەرماندەیی نەپەگە-ی: سەرەڕاو سەروەشی جە بنەماڵەکانو هەر یەرە شەهیدی و گەل و گەریلای و بەڵێندای بەدرێژەدای بەڕێباز و کوشای شەهیدا، دەستنیشانش کەردەن: "سەرسەبای ١١ ئەیلولی، جە ناوچەو شاخیێ دوژمن هێرشی ئاسمانیش ئەنجام دا، بەڵام جە هێرشەکەنە هێزەکێمان بێزیانێ بێنێ. دمابەدمای ئانەیە هەڤاڵ عەگید بڕیارێوی مێژووییش پەی ئەنجامدای چالاکیی دژ بە دوژمنی دان و چەنی هەڤاڵە قارەمانەکاش دژ بە بنکەو فەرماندەیی و چەمداری دوژمنی مەکەرانێ ئامانج. ئا چالاکییە شۆڕشگێڵیەنە کە سەعات ٠٦:٣٠ دەیەقێ سەرسەبای ئەنجام دریان، زیانی ماددی فرە جە دوژمنی ئەرەگێری مدریۆنە و ١٠ ئەرەگێرێ سزێ مدریانێ کە ٥ شان گەورە فەرماندارێنێ و ژمارێوی تەرێ ئەرگێرێ بریندارێ مەبانێ. دمای ئانەیە چالاکییەکە سەرکەوتوانە ئامانج مەپێکۆن، دوژمنی ئەرەگێر بە هەلیکۆپتەرێ جەنگیێ و باڵپڕێ بێسەرنشیێ و هێزی فرەی زەمینی هێرش مەکەرۆنە سەرو ناوچەکەی. جە دمای وەرەنگاری کەموێنەی و جەنگی داستان ئاسا و قارەمانییەتی گەورەی، هەر یەر هەڤاڵێمان پەیوەستێ کاروان شەهیدانو ئازادی مەبانێ".

فەرماندەیی بڕیارگەو ناوەندی پارێزنای گەلی- نەپەگە ئاشکراش کەردەن: وەڵتەر هەپەگە شناسنامێ هەر دوێ هەڤاڵێمان جانفەدا و هەبوون-یش وەڵاو کەردەبێوە و دماتەریچ بەرکەوتەبێ کە هەڤاڵ ‘عەگید جڤیان’ـیچ شەهید بییەن ئێمە ئارۆ شناسنامەی تەمامش بە ئی جۆرە پەی ڕای گرینی ئاشکرا مەکەرمێنە:

ئەشناسیا بە: عەگید جڤیان

نامێ و دمانامێ: وحەدەدین کارای

نامێ ئەڎێ و تاتەی: خەدیجە- سەعدوڵا

یاگۍ جەئەڎابییەی: جولەمێرگ

کات و یاگۍ شەهید بییەی: ١١ی ئەیلولو ٢٠٢٠ی /شاخێ - وان