بڕیارەن جە ۳۱/۰۳/۲۰۱۸ی، جە تورکیا و سەرنیشتو کوردستانی هۆرۋچنای شارەۋانیەکان ئەنجام بدریۆنە. هەر جە ئیسەۋە هەدەپە و دەبەپە دەستشان بە خەباتو هۆرۋچنای کەردەن و گەش بینێنێ بە سەرکەوتەی جە هۆرۋچنایەکەنە. 

جەی چۋارچێۋەنە جە شارو وانی و ناوچەکانش ڕاوەبەرێ، ئەندامێ و لایەنگرێ هەدەپەی و دەبەپەی کارا کار و خەباتەکەی مەبەرانە ڕاۋە. جەی بارەۋە ئومێد ده‌ده‌ هامسه‌رۆكو هه‌ده‌په‌ی وان ئاشکراش کەرد: «کۆمسیۆنو هۆرۋچنای پارتەکەیشان نامنۋیسی ئاکەساشان کەردەن کە وێشان جە لیستو هەدەپەیەنە کاندیدا کەردەن. نامنویسکەردەکەی جە باڵەخانەو بەدەپەی مەکریۆنە و داۋا جە ژەنان و گەنجان مەکەرمێنە تا وێشان کاندیدا بکەرانە و داۋاکاریەکانشان بیاۊۋنانە کۆمسیۆنەکەو هەدەپەی».

دەدە ئاماژەش بە ۹٦ شارەۋانیەکەیشان دان کە جەلاو ئاکەپەی داگیرێ کریێنێ و بە میلێ ئاسنینیێ و قاڵبە چیمەنۆ دەورشان گیریان و جە گەلی قەدەغە کریێنێ و ۋاتەنش: « ٢٠١٤ جە وان ١٢ شاره‌وانیێمان بەدەست-ۋستێ، بەڵام جە ۲۰۱۹ مەکەرمێشان بە ۱٤ شارەۋانیێ. ئانێچە بە ئێرادە و متمانە و پەشتیۋانی گەلی مسۆگەر مەکەرمێنە. بە دڵنیایی سەرمەگنمێنە».

هاوسه‌رۆكو ده‌به‌په‌و وانی ئایلا تارهان، سەبارەت بە هەمان بابەتی واتەنش: «٢ ساڵێن ئیرادەو گەلەکەیمان دەستش گیریان سەرەرە، بەڵام گەل خاوەنداری جە ئیرادەیش مەکەرۆنە و دەست بەرداش نمەبۆنە. پۆکەی مشیۆم زیاتەر جە جارانی گەل بە تایبەتی و ژەنی و گەنجێ بەیانە مێڎان و گۆڕ بە خەباتی و کۆشاییشی ئازدای بڎانە و جە گرد کەسی زیاتەر ژەنی و گەنجێ دلێ کاندداکانمانە یاگێ بگێرانە و ببانە بە شارەۋانێ».