جە پاۋە مەراسیم پەی شاعری نامی هۆرامانی خەدیری ڕێکۋزیا
بەسەرپەرشتی سندوقو گەشەپنەدای هەجیجی مەراسیم پەی شاعری نامی هۆرامانی ڕەۋانشاد"سەعدوڵا خەدیری" لۋا ڕاۋوە و سەدان کەسێ بەشدارێش بیێ
بەسەرپەرشتی سندوقو گەشەپنەدای هەجیجی مەراسیم پەی شاعری نامی هۆرامانی ڕەۋانشاد"سەعدوڵا خەدیری" لۋا ڕاۋوە و سەدان کەسێ بەشدارێش بیێ
دما نیمەڕۆ ۳ شەممەی ویەردەی ۱۰/ ۱۱/ ۱۹۹٦ی ،جە پاۋە شار مەراسیموی شکۆمەند پەی کۆچکەردە خەدری بریا ڕاۋە و ژمارێۋی فرە فەرهەنگ دۆسێ ڕۆشەنۋیرێ، شاعرێ، نویسەرێ وکەسایەتیێ هۆراماناتی و ئوستانەکا سنەی و کرماشانی بەشدارێش بیێ.
جە مەراسیمەکەنە فرە کەسێ جە بارە و ژیۋا و کاروانی ئەدەبی و دنیاۋینی شعرێ جە دیدو خەدیری کریا و جەی بارەوە بەڕێز و ستایش ئاماژە بەتوانای ئەدەبی نامریای دریا.
دماتەر مەراسیمەکە بە بەخشای خەڵات و ڕێزنامە دماییش بە کارەکاش ئاۋرد.
یاگێ ئاماژەیەن، ماموسا خەدیری، گەورە شاعرو هەورامان و کوردستانی، کە جە دەگا هەجیجی جە ئەڐێ بیەن، دما تەمەنێ پەڕ جە بەرهەم و جیائاستەی خەرمانێ ئەدەبی، جە ڕێککۆتو ۲۲ـ۱۰ـ۱۹۹٦ی جە ۹٦ ساڵەیی تەمەنیش کۆچی دماییش کەردەبێ.
مامۆسا خدیری، جە ۱٨ ساڵی تا کۆچی دماییش، شعرێش نویستێنێ و دیوانێ گۆرەی ناوازەش هەن، کە جەمیل فاروقی کۆشکەردەنەۋە و بەچاپش یاۋنان.
خەدیری، دەردەسەری و نەهامەتی فرێش دیێنێ، جە نەوجەۋانی جە دەس و چەمێۋیش و جە میان ساڵێچ جە شنەۋایی بێبەش بیەبێ. ۋەر جە کۆچی دماییش، دۋێ جارێ جە مەریوان و هەجیج، مەڕاسیمی شایستەش پەی ڕێکۋزیا بێ.