جە پاۋە شارو هەورامانی، بە سەرپەرشتی ئەنجومەنو شنەو فەرهەنگو هەورامانی و بە هەمکاری ئیدارەو فەرهەنگ و ڕانمونی شارستانو پاۋەی، یەرەمین جەژنەوارەو شیٛعرو زاڕوٙڵان-و هەورامانی ساز مەکریۆنە و چندین باخچێ زاروڵان بەشدارێش ببانە.

ئاشکرا کریان کە باخچێ زاروڵانی چوون: “باران، پەرنیان، کەوسەر، (ۋلەکێ ژیۋای،گوٙلهای زندگی)، ئارون، باخچەو گوڵان ،شنیان و  ئەنجومەنو نماییشی (ئەرمانای)” چالاکیێ هونەریێ و ئەدەبیێ جە جەژنەوارەکەنە ئەنجامێ مڎانە.

سەرپەرشتیارێ جەژنەوارەکەی ئاشکراشان کەردەن، کە جەژنەۋارەکە جە هاڵ-و ئیدارەو فەرهەنگ و ڕانمونی پاوەی، ٥ شەممە ٦ مانگەو ئارگەو ۱۳۹۷ی ڕوٙجیاری، ۋەراۋەر بە ۲۷و دیسامبەرو ۲۰۱۸ی بریۆنە-ڕاۋە.