جە ڕووسیا تونڎوتیژی دژ بە ژەنێ فرە تەرسناکەن و ژەنی جەلاو پیاکانشانەوە کۆمەکوشێ مەکریانێ.
جەی بارەوە ناوەندو ڕووبەڕووبییەو تونڎوتیژی جە مۆسکۆ جە ڕاپۆرتێوشەنە ئاشکراش کەردەن: "جە ڕووسیا ساڵانە ۱٤ هەزارێ ژەنی جەلاو پیاکانشانەوە ۲ هەزارێ زارۆڵێ مەکوشیانێ و دەیان هەزارێ تەرێ جە ژەنان و زارۆڵان ڕووبەڕوو تونڎوتیژی جۆاراوجۆری مەبانێوە".
وەزارەتو دلینو ڕووسیا دەستنیشانش کەردەن: "ئا ۱٤ هەزار قوربانیێ زیاتەر جە ٪٤۰شان دلێ یانەکانشانە مەکوشیانێ و تونڎوتیژیشان وەرانوەر مەکریۆنە".
پەی وەرگیری جە کۆمەڵکوشکەردەکەی ژەنان و زارۆڵان، پارلەمانو ڕووسیای قانونش بەرکەرد و جە پارلەمانەکەنە بە فرەیی دەنگی پەسەند کریا. بە پاو قاونونەکەی جەی دماوە ژەنانێ کە دەستدرێژیشان مەکریۆنە سەر یان ڕووبەڕوو تونڎوتیژی مەبانێوە و وێشان جە کەسی هێرشبەری و دەستدرێژیکەری مەپارێزنانێ سزا نمەدریانە تەنانەت ئەگەر کەسی هێرشکەر و دەستدرێژیکەر بکوشیۆنە یان بریندار بکریۆنە.
شارەزێ بارودۆخو ژەنان جە ڕووسیا ئینێ جە ئا باوەڕەنە کە قانونەکە تاڕادێوە یاردیدەرەن پەی پارێزنای ژەنان و کەمکەردەی تونڎوتیژی وەرانوەرشان، بەڵام نمەتاوۆنە دمایی بە تونڎوتیژی سەریشان باوەرۆنە، چونکە جە قانونی زیاتەر کۆمەڵگەی ڕووسی پنەوازیش بە وشیاری و سەرجەنو پەروەردەکەردەی جڤاکی هەن.
یاگێ ئاماژە پنەدایەن، بە پاو ئامارەکان جە هەر ٤۰ دەیەقێنە ۱ ژەنی جە ڕووسیا مەکوشیۆنە و چەندین ژەنی تونڎوتیژیشان وەرانوەر مەکریۆنە و فرە جارێ کەسی بکوش و تونڎوتیژیکەر دستگیر نمەکریۆنە و نمەدریۆنەمدادگا و سزا نمەدریۆنە.
.