جە کەرکوک کوڕێۋ بە دەستو تاتێش کوشیا
جە کەرکوک تاتێۋ کوڕە ۲۱ ساڵانەکەش کوشت و تا ئیسە دەستگیر نەکریان.
جە گەڕەگ-و غەرناتە-و شارو کەرکوکی سەر بە پانیشتو کوردستانی، تاتێۋ کورێۋ وێش کە تەمەن ۲۱ ساڵێ بییەن کوشتەن.
جەی بارەوە قەیس عەبدولڕەزاق ئەفسەر و ۋاچەری فەرمی جە هەرمانگەو پۆلیسو ۋەرگێری شارستانی بە ڕۆژ نیوزیش ۋاتەن: "تاتەکە کە بە کاردی کوڕەکەو وێش کوشتەن هەرمانبەرو پۆلیسی شارستانییەن و و کوڕە کوشایەکە نامێش وەلید-ەن و تاتەی بکوشش نامێش جەبار-ەن و بە نەتەوە عەرەب-بێنێ.".
قەیس عەبدولڕەزاق هۆکارو کوشتەکەیش پەی کێشەی کۆمەڵایەتی گێڵنانەۋە و ئاشکراش کەردەن: "تا ئیسە تاتە بکوشەکە دەستگیر نەکریان و هەوڵ پەی دەستگیرکەردەیش بەردەۋامەن".
یاگێ ئاماژە پنەدایەن، جە پانیشتو کوردستانی ماۋێوەن کوشتەی بە بەهانێ کێشە کۆمەڵایەتیەکان ڕۆچ بە ڕۆچ زیاتەر مەبۆنە و پا هۆکارەێچە تا ئیسە چنڎین کەسێ کوشیێنێ و بریندارێ بیێنێ. کاربەدەستێ ئەمنیێ پانیشتی بییەی چەکی دەستو هاموڵاتیانە بە یۆ جە هۆکارە سەرەکیەکان پەی کوشتەی هاموڵاتیان دەستنیشان کەردەن.
