والی ڕژێمو تورکیای جە پارێزگەو جۆلەمێرگی، بە بەهانێ ئاسایشیێ، ۳۰ یاگێ پارێزگاکەی کە چەنڎین گەڕەکێ دلێ شاری مەگێرۆۋە بە "ناوچێ ئاسایشێ تایبەتێ" دەستنیشانێ کەردێ و هامۆشیەش دلێنە قەدەغە کەردێ و قەدەغەکە ۱٥ شەۋێ و ڕۋێ بەردەۋام ببۆنە و جە ۲۰۱۹/۰۱/۱۹ کەردەیی مەکریۆنە و جە ۲۰۱۹/۰۲/۰۲ کۆتاییش مەیۆنە.

هەمیشە و هەرکات کە هامۆشیە قەدەغە مەکریۆنە، شۆنیشەرە ئۆپەراسیۆنی سەربازی ئەنجام مڎریۆنە، پۆکەی ئەگەر هەن جە جۆلەمێرگ-یچ ئۆپەراسیۆنی سەربازی دەست پنەبکریۆنە.