ئارۆ دووە شەممە، جە تەلارەو پارلەمانی جە هەولێر، پارلەمانتار دکتۆر كازم فاروق سەرۆك فراكسیۆنو نەوەی نوێ-ی جە کۆنگرێۊی ڕۆچنامەڤانییەنە ئاشکراش کەرد: "جە ماۋەی ۋیەردەنە، دەسەڵاتدارێ حکومەتو هەرێمو کوردستانی بە بەهانێ قەیرانی دارایی، پوڵی نەقدشان جە ژمارێۋ جە سندۆقەکانە بەرئاۋردەن و جەرج کەردەن و تائیسە نەگێڵنانشانەۋە پەی سندوقەکان".

نامبریا جەی بارەۋە زانیاری زیاتەرێش دێنێ و ۋاتەنش: "تا ٣١-١٢-٢٠١٨ی، ١١١ ملیارێ و ٦٥٧ ملیۆنێ و ٣٣٦ هەزار دینارێ و ٥ ملیۆنێ و ١٣٣ هەزارێ و ١٨٩ دۆلارێ كە سەرجەمش بە دینار مەکرۆنە ١١٧ ملیارێ جە سندوقو كۆمەك بە نەوەشی شێرپەنجەی بەرئاۋریان و خەرج کریان. ئانێچە نەوەشەکێ شێرپەنجەی و نەوەشخانەکێ تابیبەت بە نەوەشیەکەیش تەمام گرفتارێ کەردێنۍ و جە نەوەشخانەکانە نزیک بە ۲۰ جۆرێ دەرمانێ نەمەنێنێ کە پەی چارەسەری شێرپەنجەی فرە گرنگێنۍ. ۋەرو ئانیە جەئیسەنە مشیۆم نەوەشەکێ وێشان دەرمانەکان بسانانە کە ئانێچە فرە زەحمەتەن، چونکە دەرمانەکۍ فرە گرانبەهێنێ و نەوەشەکێ توانایی ئەسایشان نییەن".