هێرشێ تورکیای بە ئامانجو ئەرەگێرتەی ڕۆژاڤاو کوردستانی و سەرنیشت و وەرهۆرزو سوریای جە ۳ مین ڕووێشەنە درێژەش هەن و گەل و شەڕڤانێ بە مدرامان و قارەمانی ڕووبەڕووش مەبانێۋە و دوژمن دەیان کوشیێ و بریندارێش هەنێ.
جە ڕێککەفتو ۲۰۱۹/۱۰/۰۹ی، ڕژێمە ئەرەگێر و دژە کورد و مرۆڤایەتیەکەو تورکیای جە زەمین و ئاسمانەۋە هێرشش بە ئامانجو ئەرەگێرتەی ڕۆژاڤاو کوردستانی و سەرنیشت و وەرهۆرزو سوریای دەست پنەکەرد و ئارۆچ جە ۳ مین ڕووێشەنە هێرشەکە بە بەشداری دەیان هەزار سەربازێ و نزیک بە ۱۲ هەزارێ چەتێ بەکرێگیریێ درێژەش هەن. جە ۋەرانۋەرەنە گەل و شەڕڤانێ سەر بە هێزەکێ سوریای دیموکراتیکی-(قسەدە) بە مدرامان و قارەمانی کەم وێنە ڕووبەڕوو هێرش و ئەرەگێرتەیەکەی مەبانێۋە و تا ئیسە سەرجەم هێرشەکێ دوژمنیشان شکستێ دێنۍ و هامکات دوژمن دەیان کوشیێ و بریندارێش هەنێ کە لاشێ ژماێۋیشان کەوتێنێ دەستو شەڕفانەکانو قەسەدەی و ژمارێۋیچشان جە مەیدانەکێ جەنگییەنە ئازیێنێ جیا.
زانیاریێ ئارۆی جە مەیدانەکێ مرامانی و جەنگی پی جۆرەنێ:
٩:٣٥
جە دەگاو تەل حەڵەفی و ناوچەو پیشەسازی سەر بە شارو سەرێکانی جەنگی فرە دژوار ڕووە دان و جە ئاکامشەنە دەیان چەتە کوشیێنێ و دەیانێ تەریچ بریندارێ بیێنێ.
٩:٣٠
هەر جە سەرێکانی دوژمن هامتەریپ چەنی هێرشی زەمینی، جە ئاسمان و زەمینەۋە بە ۋاۋیەرێ جەنگیێ و تۆپخانێ بۆردومان و تۆپۋاران مەکەرۆنە و بەتایبەتی مەدەنیەکان مەکریانە ئامانج.
٩:١٥
ۋاۋیەرێ جەنگیێ و تۆپخانەکێ دوژمنی ئەرەگێری بەقورسی بۆردومان و تۆپۋارانو ناوچەی عەین عروس-ی سەر بە گرێ سپی-شان کەردەن
٠٧:٥٨
جە ئیسەنە تورکیا و تاقمە چەتەکێش هەوڵ پەی گەمارۆدای سەرێکانی و گرێسپی، مڎانە و پۆکەی هامکات جە چەنڎین قۆڵێۆە بە گرد هێز و تواناشانەۋە هێرشێ زەمینیێ و ئاسمانیێ ئەنجامێ مڎانە. ئەگەر هەر دووێ شارەکێ گیریارە ئا وەختە هێزەکی دژمنی بە درێژایی ۱۲۰ کیلۆمەترێ و بە پانتایی ۳۰ کیلۆمەتران هێرش و ئەرەگێریەکەیشان فراوانتەر مەکەرانێۋە. ئامانج جە ئانەیە ئەۋەبڕیەی جزیرەی و کۆبان-یەنە جە هەنتری.
٠٧:٥٨
شەڕ بەردەوامە
جە تەل خەلەف جەنگ بە چەکێ قورسێ بەردەۋامەن و تا ئیسە درێژەش هەن.
٠٧:٥٨
جە پانیشتو سەرێکانی هاموەخت چەنی هێرش و بۆردومان و تۆۋارانەکانو دوژمنی، شانە وتەکێ هێرشان کەردەن، بەڵام شەڕڤانێ گەمارۆشان دێنی و لڵنی کەم ٤ چەتێ کوشیێنێ و ٥ چەتێ بەدلیلێ گیرێنێ.
٠٧:٥٧
شەۋێ ۋیەردێ و ئارۆچ، جە وەرهۆرزو سەرێکانی، چەتەکێ تورکیای بە پشتۋانی زمینی و ئاسمانی هێرشان کەردەن سەرو ڕاو درباسیێ و سەرێکانی، بەڵام شەڕۋانێ ئازادی ۋەرپەرچشان دێنێۋە و جە ئاکامشەنە ۱٦ چەتێ کوشیێنێ و دەیانی تەرێ بریندارێ بیێنێ.
٠٧:٤٨
جە تەل خەلەف جە ۳ قۆڵێۋە سپاو تورکیای و تاقمە چەتەکێش هێرششان کەردەن، بەڵام هێزەکێ قەسەدەی ۋەرپەرچشان دێنێۋە و جە ئاکامەنە ۱۹ چەتێ کوشیێنێ.
