ئارۆ ٤ شەممە، جە مەیدان-و کرندی شارو خانەقینی کە سەر بە پارێزگاو دیالەیەن، دەیان هیتیارێ دەگاو کانی بزی و بە پەشتیۋانی لیژنەو هەرەوەزی خانەقینی، دژ بە ئەرگێرتەی زەمینەنەکانشان جەلاو ژمارێۋ جە گامێشۋانە عەربەکانو (خان بەنی سعد)یەۋە کۆبیێۋە و  ناڕەزایەتیشان نیشانە دا. هیتیارە ناڕازیەکێ داۋاشان جە ئیدارەو شارەکەی کەرد: تا بە زوویی گامێشۋانە عەرەبەکێ بەربکریانە و زمینە کشتوکاڵیە ئەرگێریەکێشان پەی بگێڵناۋە.

دمابەدمای ناڕەزایەتیەکی، ئیدارەو خانەقینی بڕیارشدا گامێشۋانە عەرەبەکێ خان بەنی سەعدی زەمینە کشتوکاڵیەکانو دەگاو کانی بزیو ناوچەکەی بازانە جیا. بەڵام دیار نییەن گامشێۋانەکێ تا چندە پایبەندێ بڕیارەکەی ببانە.

نزیک بە مانێگۋەن، ۱٦ خێزانێ عەرەبێ کە گامشۋانێنێ و جە خان بەنی سەعدەۋە لۋێنێ دەگاو کانی بزی، دەیان دۆنمێ جە زمینە کشتوکاڵیەکانشان گێرتێنێرە و دەستشان بە دروستکەردەو یانا کەردەن.