شەۋێ ۋیەردێ، باڵەپڕە جەنگییەکێ سپا داگیرکەرەکەو تورکیای جارێ تەر جە بادینان هاموڵاتیێ مەدەنیشان کەردێبێنێۋە ئامانج و کۆمەڵکوشیشان ئەنجام دابێۋە. باڵەپڕەکێ گەلی "ڕەشئاڤێ"ی سه‌ر به ناوچه‌و دێره‌لووك-ی‌شان جە هەرێمو بادینان بۆردومان کەردەبێ. بۆردومانەکە زیاتەر جە یەرێ سەعاتێ بەردەۋام بییەبێنە و جە ئاکامشەنە ٤ هاموڵاتیێ مەدەنیێ شەهیدێ بیبێنێ و ۲ هاموڵاتی بریندار بییەبێ.

ئارۆچ شناسنامێ ٤ شەهیدەکەی کە سەرجەمشان گەنجێنێ پی جۆر ئاشکرێ کریێنێ:
ئازاد شاهین
ئازاد مەجید سەیفۆ
ڕێدار محەمەد تاهیر
واحید عەبدولقادر

ئارۆچ بەبەشداری جەماوەری تەرمێ دووێ جە شەهیدەکان ئەسپەردە کریێ، بەڵام هیشتای تەرمێ دووە شەهیدەکەی تەری یاگێ بۆردومانەکەیەنە مەنێنێۋە.

کۆمەڵکوشی دێرەلوکی یەکەم جار نییەن کە جەلاو ڕژێمە داگیرکەرەکەو تورکیای جە پانیشتو کوردستانی ئەنجام مڎریۆنە، بەڵکو تا ئیستە چنڎین کۆمەڵکوشیێ تەرێ ئەنجامێ دریێنێ و جە ئاکامشانە دەیان هاموڵاتیێ مەدەنیێ بیێنێ قوربانی کە ژمارێۋشان ژەنێ و زارۆڵێ بیێنێ. تا ئیسە دەسەڵاتداڕێ و پارتەکێ باشورو کوردستانی و ئێراقی و هاموەخت نەتەوە یۆگێرتەکێ و ڕای گردیی میاندەوڵەتی ۋەرانەۋەر بە سەرجەم کۆمەڵکوشیەکان بێهەڵۋێستێ و بێدەنگێنێ و ئانێچە هاندەرەن پەی تورکیای تا بەردەۋامی بەتاوان و کۆمەڵکوشیەکان بڎۆنە.