كه‌ژه‌كه: ڕاستیی په‌كه‌كه‌ی ڕاستیی مرۆڤایەتیی و ژنێ ئازادێن
كه‌ژه‌كه پیرۆزبایی ئەرەمەرزنای پەکەکەی مەکەرۆنە و ئاشکراش کەردەن: «ڕاستیی په‌كه‌كه‌ی ڕاستیی گه‌لان و مرۆڤایه‌تیی و ڕاستیی ژەنێ ئازادێن».
کۆردیناسیۆنو کۆما ژەنێ کوردستانی(کەژەکە)، جە ٤۰مین ساڵیادو ئەرەمەرزنای پەکەکە-یەنە پەیامی پیرۆزباییش دان و دلێشەنە ئامان:
«پارتەكه‌مان په‌كه‌كه ٤٠ ساڵێش دەربازکەرد و شی ڕوو بە ٤۱مین ساڵەو خەباتییش، پی بۆنەۋە پیرۆزبایی جە ڕێبه‌ر ئاپۆی، خانەوادەو شه‌هیدانی، گه‌لی وه‌ڵاتپارێزی و گەریلا و هامڕێ و دۆستێ و ئەندامەکانمان مەکەرێمێنە. پارتەکەمان پرۆسەو مدرامانی، ئافڕانای و سەرکەوتەی مەزنیەن، ورەن، ئەخلاقەن و کۆشاییشێ گەورەن. جە ڕاستیەنە پەکەکە، ڕاستیی کوردی و گه‌لان و مرۆڤایه‌تییەن و هاموەخت ڕاستیی ژەنێ ئازادێن. ٤۰ ساڵێ ۋیەردێ جە خەباتی، ساڵێ پەڕ جە سەرکەوتەیەنێ هەڵبەتە بە نمایندەیی مرۆڤایەتی و ژەنێ».
کەژەکە دەستنیشانش کەردەن: «پەکەکە جە کوردستان و وەرهۆرزی میانی و جیهانەنە بییەن بە نامونیشانێ پەی ئافڕنای بەها ئینسانیەکان و پێشەنگی سۆسیالیزمی دیموکراتیکی. پەکەکە پارتو ژەنێن و جە ۋەرانەۋەر بە هەلومەرجە تایبەتە و دژۋارەکانە وێش پارێزنان و مەنەنەۋە و بییەن بە ۋیر و باۋەر پەی سەرکەوتەی و شکست نەۋاردەی و ئیتر بە پەکەکە، هیوا مرۆڤایەتی سەرجەنو زینڎە مەبۆۋە».
کۆردیناسیۆنو کۆما ژەنێ کوردستانی(کەژەکە)، پی جۆرە کۆتاییش بە پەیامەکەیش ئاۋردەن: « جە ٤۰مین ساڵیادەنە، بە منەتباری و ڕێزەۋە یاد جە شەهیدەکانمان مەکەرمێۋە و بەڵێن دووپات مەکەرمێۋە، کە کۆشاییشی ئازادی و مدرامان گەشتەر و بەهێز تەر بکەرمێۋە و بەدیدارو ڕێبەر ئۆجالانی شادێ ببێمێۋە. پێسەو کەژەکەی جە ٤۱مین ساڵەو پەکەکە-یەنە هەر جۆرە هێرشێ پووچەڵ بکەرمێۋە و سەرکەوتەی گەورە بەدەست باۋەرمێنە».
