كۆچ تەندروستیش تێکشیەن بەڵام جە مانگێرتەی بەردەوامەن

جە ستراسبۆگ ٤۷ ڕۋێن دژ بە گۆشەگیری ئیمرالی ۱٤ چالاکۋانێ مانشان جە واردەی گێرتەن و یۆکسەل کۆچ هامسەرۆکو (كه‌جه‌ده‌كه‌-ئە)ی یۆ جە مانگێرەکان و تەندروستیش تێکشیەن و بریان نەوەشخانە بەڵام سورەن جە بەردەۋامی-دای بە مانگێرتەکەیش.

جە شارو ستراسبۆگ-و فەڕەنسای، ۱٤چالاکۋانێ کوردێ دلێشانە «یۆکسەل کۆچ هامسەرۆکو کۆنگرەو گلێرگەی دیموکراتی کوردستانی جە ئەورووپا - كه‌جه‌ده‌كه‌-ئه‌»، ٤۷ شەۋانە ڕۋێن دژ بە ئەشکەنجە و گۆشەگیری ئیمرالی، کە سەپنیان سەرو ڕێبەر ئۆجالان-یەرە، بە بەشێۋازی بێۋادە مانشان جە واردەی گێرتەن.

شەۋێ ۋیەردێ، یوکسەل کۆچ تەندروستیش تێکشیەن و بریان نەوەشخانە پەی چارەسەری. بەڵام کۆچ ڕازی نەبییەن چارەسەر بکریۆنە و ۋاتەنش: "تاوەکو وێش و هاۋەڵە مانگێرەکێش بە ئامانج نەیاۋانە، کە دماییی ئاۋردەیەن بە گۆشەگیری ڕێبەر ئاپۆی، دەستبەردارێ مانگێرتەکەی نمەبانە و درێژە پنە مڎانە".

جیا جە یۆکسەل کۆچ هامسەرۆکو کۆنگرەو گلێرگەی دیموکراتی کوردستانی جە ئەورووپا -که‌جه‌ده‌كه‌-ئه‌، چندین مانگرێ تەرێ ستراسبۆرگی تەندروستیشان تێکشیەن و خراپەن، بەڵام ئامادێ نییەنێ دەست جە چالاکی مانگێرتەی ۋەربڎانە و سورێنێ جە درێژە پنەدایش.

یاگێ ئاماژەیەنە، کە ڕۆچانە مانگێرەکێ ستراسبۆرگی جەلاو کورد و دۆستە ئەورووپیەکێ کوردی سەردای کریانە و پەشتیۋانی جە چالاکییەکەیشان مەکریۆنە.


مانگێرتەی جە واردەی بە شێۋازی بێوادە دژو گۆشەگیرکەردەی ڕێبەر عەبدوڵا ئۆجالانی، ۸۷ ڕۋێ جەی وەڵتەر بە پێشەنگی لەیلا گوڤەن هامسەرۆکەو کەجەدەی جە ئامەد دەستش پنەکەرد و دماتە کوردستان و بەرو وڵاتیش گێرتەۋە. ئارۆ لەیلا گوڤەن جە ئامەد ۸۷، ناسر یاگیز جە هەولێر ۷٤، ئیمام شیش جە لەندەن ٤۸، سەدان زیندانیێ جە کوردستان و تورکیا ٤۹، ۱٤ چالاکوانێ و کەسایەتیێ کوردێ جە ستراسبۆگ ئینێ جە مانگێرتەیەنە و بە سەدان کەسێ تەرێ بە شێۋازی نۆبەتی بەشدارێ مانگێرتەکەی بیێنێ و ببانە.