هامسه‌رۆكێ هه‌ده‌په‌ی: ۳۱و ئاداری ”هاۋارو ئیتر وەسێن“ یەن
هامسه‌رۆكێ هه‌ده‌په‌ی په‌رۋین بووڵدان و سه‌زای ته‌مه‌للی دمابەدمای هۆرۋچنای شارەۋانیەکان ئاشکراشان کەرد: "سەرکەوتەی ۳۱و ئاداری ”هاۋارو ئیتر وەسێن“ یەن".
ئارۆ هامسه‌رۆكێ گردیی هه‌ده‌په‌ی په‌رۋین بووڵدان و سه‌زای ته‌مه‌للی دمابەدمای هۆرۋچنای شارەۋانیەکان کە ۱ شەممە جە سەرنیشتو کوردستانی و تورکیای ئەنجامێ دریێبێنێ، پەیامێشان پەی ڕای گردیی کوردستانی و تورکیای ۋەڵاۋکەردەۋە. جە پەیامەکەنە سەرکەوتەی هەدەپەی جە هۆرۋچنایەکەنە پیرۆز کریان و ۋاچیان: "سەرکەوتەی ۳۱و ئاداری ”هاۋارو ئیتر وەسێن“ یەن".
تەمامی پەیامەکەی:
هۆرۋچنای دماییش ئاما، فشارەکێ دژ بە پارتەکەیمان جە بەرزتەرین ئاستەنە بێنێ. ڕاۋەبەرێ، ئەندامێ، تا لایەنگرەکێمان دەستگیرێ کریێ. بایکۆتێۋی یاۋنەری و میدیای دژمان بە کاربریا کە دیرۆکەنە نمونش نەبییەن. بەڵام سەرەڕاو ئانەیە پارتەکەمان سەرکەوت.
بەی تەورە ئیرادەو گەلی دژ بە سیاسەتو قەیومە داگیرکەرەکان مدراۋە و شکست بە هامپەیمانی ئاکەپە - مەهەپەی دریا. ئانێچە لاپەلێ نۊش هۆرداۋە. ئێمە سپاشگوزاریمان ئاڕاستەو گرد کەس و لایێ مەکەرمێنە کە سەربارو هەڕەشێ، فشارێ و هێرشەکێ ئاکەپە - مەهەپەی، هەنگامێ چێشەنە دمارە نەکێشیێۋە و ئازایانە ڕووبەڕوو دۆخەکێ بیێۋە. هەرپاسە سپاسگوزاری جە په‌رله‌مانتار، ڕاۋه‌به‌ر، ئه‌ندام و ڕاوێژكارێ پارتەکەیمان، كاندیداتۆرێ شاره‌ۋانی و ئه‌نجومه‌نێ شاره‌وانییەکان مەکەرمێنە.
بێگومان سەرەڕاو سەرکەوتەی، جە چند شارێ و ناوچێ پارتەکەمان هەدەپە دەنگەکێمان کەمشان کەردەن. با کەس گومانش نەبۆنە ئا شارێ و ناوچێ کە جە دەست دریێنێ بە زوویی هۆرسەنگنایشان پەی مەکریۆنە و کەموکورتیێ و هەڵەکێ دەستنیشانێ مەکریانە و ڕەخنەدای مەکریۆنە. چونکە ڕەخنە و ڕەخنەدای و وێ ڕەخنەکەردەی یۆن جە بنەما سەرەکییەکانمان. بەڵێن مەڎێمێ؛ هەتا دمایی متمانەو گەلی پارێزنمێ و پێۋەر شار و ناوچەکان بەرمێنەڕاۋ.
جە هۆرۋچنای شارەۋانیەکانە هەدەپە ڕۆڵی مێژوویی، گرنگ و کاریگەرش گێڵنا. کاتش ئومان کە هامتەریب چەنی هێزە دیموکراتییەکان ڕازەو کۆشاییشی بنۋیسمێۋە. ئارۆ گەل دەسکەوتش بەدەستۋست. پۆکەی ئێمە بە پارت و گەلەکەیمان سەربەرزێنمێ.
ئێمە بەڕێزداریەۋە پیرۆزبایی جە دەنگدەری، ئەندامێ و چینە جیا جیاکێ گلێرگەی و سەرجەم هەڤاڵەکانمان مەکەرمێنە کە بەبێ مدرای و مانیای کار و خەباتشان کەرد و سەلەمناشان کە ئیتر هیچ کەس و لایێ هەرگیز نمەتاونە نکۆڵی جە ڕەنج و کۆشای هەدەپەی بکەرۆنە و بە خەسارش بدۆنە.
سەرکەوتەی ۳۱و ئاداری ”هاۋارو ئیتر وەسێن“ یەن" کە گەل و پارتیمان داش گۆشێ ڕژێمی تاکە کەسییەرە. ئەی ئەنجامە هیچ پارت و کەس و لایێ خاوەنش نییەن و هینو گردیمانە. ڕامان ئەۋەکریێنە، هیۋا و ڕەنجمان فرەن. گرد لایێ مانی نەبێدێ.
