جە تورکیا و سەرنیشتو کوردستانی ئاکەپە بەردەۋامەن جە کودەتا و قڕکەردەی سیاسی و دەستگیرکەردەی نەیارەکانش. جە چوارچێۋەنە سەرسەبای ئارۆی، هێزە ئەمنیەکێ تورکیای ئەرەگێری هۆرشانکۋان سەرو تەلارو شارەۋانی ڕێگا ئەرمووش-ی جە پارێزگاو وان-ی و ئازیم یاجان و شەهزادە کورت هامسەرۆکێ شارەۋانیەکەیشان دەستگیرێ کەردێنێ و بەردێنێشان پەی ڕاۋەبەری پۆلیسی جە وان.
هامکات هێزە ئەمنیەکێ گەمارۆو شارەۋانیەکەیشان دان و پاسە دیارەن ڕژێم گەرەکەشن بگێرۆشەرە و قەیۆمش بسەپۆنە سەرەرە.

جە لاێ تەرەۋە جە بەردەۋامی قڕکەردەی سیاسییەنە کە ئەردۆغان و ڕژێمەکەش دژ بەنەیارەکانش گێرتەشەنەۋەر،  هەر سەربای ئارۆی، بەڵام جە ئامەد سەدات شەنئۆغلۆ ۋاچەرو فەرمی کۆنگرەو دیموکراتیکو گەلانی (هەدەکە – HDK) دەستگیر کریا و بریان پەی زینڎانو ڕاۋەبەری پۆلیس جە ئامەد و بڕیارەن جە دمای ۳ ڕووان ڕەوانەو ئەستەنبوڵی بکریۆنە و گوایا جە ئاگە بدریۆنە دادگا.

(هەدەکە – HDK) جە تویت-ێۋەنە جە تویتەر دەستگیرکەردەکەش شەرمەزار کەردەن و ئاماژەش بە بەردەۋامی ستەم و زۆرداری جە تورکیا دان و ئاشکراش کەردەن: "کۆشای ئازادیشان تەنها پەی ئارۆی نییەن و بەڵکو سەبای و جە ئایندەنە درێژەش هەن و  هەدەکە بە دەستگیرکەردەی سەدات شەنئۆغلۆی شکست نمەدریۆنە".