ئایشه‌ ئاجار باشاران ئه‌ندامە جە ئه‌نجومه‌ن-و ڕاۋەبەری (هه‌ده‌په‌) و پارلەمانتارەو ئا پارتەیە، سەبارەت بە هێرش و گوشارێ پۆلیسی و هێزە ئەمنیەکی تورکیای دژ بە خەبات و کۆشای هۆرۋچنای بنکەکێ بانگەشەو هۆرۋچنای پارتەکەیشان ناڕەزایەتیش نیشانەدا و ئاشکراش کەردەن: "هێزە ئەمنیەکێ تورکیای جە بەردەۋامی هێرشەکانشانە بنکەو بانگەشەو هۆرۋچنای سەرێکانی سەر بە ڕحا-یشان کەردەن ئامانج و پەلامارەو کاندیداکانمان نارین گه‌زگۆر و محه‌مه‌د عه‌لی قاره‌مانی دریان و دماتەر نارین گه‌زگۆر دەستگیرە کریێنە".

باشاران ۋاتەنش: "هێزە ئەمنیەکێ تورکیای پەلامارەو کاندیداکانمان و جەماوەرەکەیمان مڎانە و دۆسیێ و تۆمەتێ بێبنەمێشان پەی تاشارە و دەستگیرێشان مەکەرانە. هێزەکێ پۆلیس و ئاساییشی جە هۆرۋچنای شارەۋانیەکانە بێلایەنێ نییەنێ و زیاتەر جە ئانەیە بە هێرش-کەردەی سەرو هەدەپەی، لایەنگری جە ئاكه‌په‌-مه‌هه‌په‌ی مەکەرانە و بەشدارێ بانگەشەو هۆرۋچنایشان مەبانە. پی جۆرە ئاکەپە و مەهەپەی و هێزەکێ پۆلیسی و ئاساییشی بە سیستماتیکیانە ئاستەنگی پەی خەبات و کۆشای هۆرۋچنای هەدەپەی دروست مەکەرانە".

ئایشه‌ ئاجار باشاران ئاشکراش کەردەن: " هەدەپە ئاگادارو هامپەیمانی و سیاسەتە هامبەش و دژبەرانەکەو ئاکەپەی و مەهەپەی و هێزە ئەمنیەکان ۋەرانۋەر بە پارکەیشان هەن، بەڵام هەرگیز نمەتاوانە شکست بە هەدەپەی و ئامانجەکەیش بڎانە و بەڵکو دەرەنجام وێشان شکست بڎریانە".

جە دماییەنە ئایشه‌ ئاجار باشاران ئه‌ندامە جە ئه‌نجومه‌ن-و ڕاۋەبەری (هه‌ده‌په‌) و پارلەمانتارەو ئا پارتەیە جەختش جە سور بییەی هەدەپەی و کاندیداتۆرەکانش پەی سەرکەوتەی کەردەنەۋە و ۋاتەنش: "خاستەرەن ئاکەپە و مەهەپە و هێزە ئەمنییەکێ تورکیای دەستبەردارێ سیاسەتەکەیشان دژ بە هەدەپەی ببانە و سەرجەم ئەندامێ و لایەنگرێ هەدەپەی دێشانە نارین گەزگۆر کاندیدەو شارەۋانی سەرێکانی سەر بە ڕحای ئازادێ بکەرانە".

بڕیارەن جە ۲۰۱۹/۰۳۲۱ی، جە تورکیا هۆرۋچنای شارەۋانیەکان ئەنجام بڎریۆنە و جە ئیسەۋە بانگەشە و پڕوپاگەندە پەی هۆرۋچناکەی دەستش پنە کەردەن، بەڵام ئاکەپە و مەهەپە و سەرجەم دامودەستگەکێ حکومەت و دەوڵەتی تورکیاشان بە سودو وێشان و دژ بە هەدەپەی سەفەربەرێ کەردێنێ. هەدەپە ئامانجشەن بە سەرجەم شارەۋانییە داگیرکریاکێ پارتەکەیشان، زیاتەر جە ۱۲۰ شارەۋانی جە هۆرۋچناکەیەنە بەدەست بۋزۆنە.